343. MUSA MUTONGORIA MUTHERU MWIHOKEKU

1.
Musa mũtongoria mũtheru mwĩhokeku
We nĩerire ciana cia Israeli
Jehova nĩakarahũra mũnabii
Mũtheru kũrĩ niĩ arathimane

Nakĩrĩtie araika hinya na ũhoti
Jesu Mũhonokania wa thĩ yothe
O na araika othe nĩ mamũgocaga

2.
Ahonokania nĩ erĩ Musa na Jesu
Musa aakũũrire andũ kwa Frauni
Nake Jesu agĩkũũra andũ gwa Caitani
Meciragia wega hinya wa Ngai

3.
Mathĩna ma rũgendo-inĩ magũtũnga
Thĩna na ng’aragu na ndeto njurũ
Turia maru ũhoe Ngai akũmĩrĩrie
Ũkinye muoyo-inĩ ngoma aconoke

4.
Andũ me weru-inĩ marutĩiruo maaĩ
Ihiga-inĩ manyue mahote gũthiĩ
Rũgendo matonye bũrũri wĩ iria
Na ũũkĩ ta ũrĩa Iburahĩmu erirwo

5.
Weru-inĩ wa kerĩ nĩ ciĩga-inĩ ciaku
Tondũ nĩkuo mathĩna maikaraga
Na nĩkuo meciria moru maikaraga
Wĩtĩkio wanyiha no kũhũndũka

6.
Ihiga rĩa gũkũhe maaĩ njĩra-inĩ
Ũhote kũrĩkia rũgendo ruothe
Nĩ Roho ũrĩa Jesu aakwamũrire naguo
Ndũkanyote meciria ũtanakinya.