327. NDUNDU NIYO GITUGI

1.
Ndundu nĩyo gĩtugĩ
Gĩa gũtiira ũhoro wa ma
Nĩkĩo Jesu atwarire
Petero na Jakubu na Johana
Ndundu Kĩrĩma-inĩ kĩa Mĩtamaiyũ
Ndundu-inĩ ĩo theru Ngai agĩathana watho wake akiuga
Ũyũ nĩ Mũrũ ngenaga nĩ ũndũ wake mũiguagei
Nake Jesu agĩathana watho mwerũ akiuga

Jesu oigire ngũmũhe rĩathani rĩerũ
Mwendane inyuĩ ene wendani wa ma

2.
Rũmagia wega ndundu ya kanitha
Rũmia ma ya Ngai ũkĩaria kanitha-inĩ
Igua wee wĩcokagie ndundu ngoro-inĩ yaku
Mwarahũri wa ndundu
Menya nĩwe ũtuĩkaga ũtheri
Wa ndundu ĩo theru yarĩkia kũgomana
Aria ma ya Ngai aria ũhoro wa ma

3.
Rũmiai ndundu ya Ngai
Na mũrũmie ndundu ĩno ya kanitha
Rũmiai ndundu ya ciugo cia muoyo
Ciugo iria mwaiguire na mũhunjia
Mwega mũno rĩrĩa mwetĩkirie Ngai
Na mũkĩmwĩhoka mũno
Ngai ũrĩa wamwĩtĩire muoyo

4.
Ngai na Jesu na Roho mũtheru
Matũũraga me ndundu ya ngoro ĩmwe tu
Acio nĩo maikaragia ndundu ĩno ya kanitha
Marũmagagĩrĩra ũhoro wa ma
Ndũgathombocanio nĩ andũ
Na ndeto njũru cia maheni

5.
Ngai nĩ etire Iburahĩmu
Ndundu akĩmwĩtia Isaaka
Iburahĩmu nake akĩrũmia ndundu ya Ngai
Ndundu yao na Ngai we ndamĩhurunjire njĩra-inĩ
We mwene nĩ amĩmenyereire mũno
Meciria-inĩ make

6.
Musa etirwo nĩ Ngai
Magĩthiĩ ndundu kĩrĩma-inĩ na Ngai
Magĩikara matukũ mĩrongo ĩna
Makĩaria na Ngai ciugo cia muoyo
Musa we mwene akĩrũmia ndundu
Ndundu theru ya Musa na Jehova Ngai
Ndundu ya ciugo cia muoyo

7.
Matu-inĩ nĩ kũrĩ ndundu
Ya athuuri mĩrongo ĩĩrĩ na ana
Arĩa moigaga ameni gũtuĩke guo
Mahoya matheru rĩrĩa mahoywo
Mũhuro wa riũa magatuĩka aira
Makoiga mahoya macio mwahoya
Rĩu nĩ matheru.