304. MUTHIA WA MWAKA MUUKAGE INYUOTHE

1.
Mũthia wa mwaka mũũkage inyuothe
Mũgacokia ngatho mbere ya Ngai
Tondũ Ngai nĩ amũtongoretie wega
Mĩeri mĩingĩ mũno mĩeri ikũmi na erĩ

Tũrai mũcokagia ngatho mĩthenya yothe
Mbere ya Ngai mũthenya na ũtukũ
Rũcinĩ na hwai-inĩ

2.
Ningĩ mũthia wa mweri mũũkage inyuothe
Mũgacokia ngatho mbere ya Ngai
Tondũ Ngai nĩ amũtongoretie wega
Matukũ maingĩ mũno matukũ mĩrongo ĩtatũ

3.
Mũthenya wa kiumia mũũkage inyuothe
Mũgacokia ngatho mbere ya Ngai
Tondũ Ngai nĩ amũtongoretie wega
Mĩthenya ĩtandatũ mũkarĩkia wĩra mwĩna thayũ

4.
Rũcinĩ tene mũũkaga inyuothe
Mũgacokia ngatho mbere ya Ngai
Tondũ mathaa ikũmi na merĩ ma ũtukũ
Ngai nĩ mwega nĩ amũmenyereire wega

5.
Hwai-inĩ tigagai kũriganĩrwo ũkai inyuothe
Ngoro cianyu mwĩ na wendo mũcokie ngatho
Tondũ mathaa ikũmi na merĩ mũthenya
Ngai nĩ mwega nĩ amũmenyereire inyuĩ wega.