303. MWAHEIRUO ROHO WA MUTHEMBA URIKU?

1.
Mwaheirwo Roho wa mũthemba ũrĩkũ?
Inyuĩ mũhunjagĩria andũ ciugo cia Ngai
Na mũgacoka mũkagarũrũka
Gwĩka ciĩko njũru ciĩko iria muoigire Ngai ndendaga

2.
Anabii atheru nĩ maheirwo Roho
Nĩ Ngai moimbũrĩre ndũrĩrĩ ciothe ũrĩa Ngai enda
Na matiacokire kũgarũrũka na thutha
Makuire marũmĩtie ũhoro ũrĩa moimbũrĩire andũ

3.
O na atũmwo a Jesu maitĩrĩirio Roho
Nĩ Ngai marute ndũrĩrĩ ciothe ũhoro wa Ngai
Na matiacokire kũgarũrũka na thutha
Maakuire marũmĩtie ciugo ĩrĩa mahunjĩirie andũ.