286. NI MUNYAKA MUNENE MUNO

1.
Nĩ mũnyaka mũnene mũno
Rĩrĩa andũ mahetwo nĩ Ngai
Mũtongorĩa mũhoi Ngai
Mwĩhinyĩrĩria ta Jesu
Ũcio nĩ ũtonga mũnene maroho-inĩ
Ma andũ othe anyinyi na anene
Na kĩheo kĩu kĩheanagwo nĩ Ngai
Hoyai nĩmũkũheo hoyai Ngai
Mũgwatĩirie na ma

Cokagiai ngatho mbere ya Ngai
Ũtukũ na mũthenya inyuĩ
Andũ a itũũra rĩrĩ tondũ nĩ Ngai
Wamũheire inyuĩ
Kĩheo gĩtagwo aya mahoyaga Ngai
Me na Roho magwatĩirie na ma
Meyendeire kũhoya Ngai mehinyĩrĩirie
Matekũringĩrĩrio

2.
Ũcio nĩguo ũtonga mũingĩ
Ũtonga mũnene wa ngoro
Andũ mahetwo nĩ Ngai
Mũtongoria ũiyũirwo nĩ wega wa Ngai
Andũ a itũũra rĩu me na ũtonga
Ũtonga wa kũhoreria
Meciria mao othe magĩrĩirwo
Nĩ kũgooca Ngai mamũcokagĩrie ngatho
3.
Menyai thĩna mũnene mũno
Gũkĩra mathĩna mothe
Nĩ andũ mangĩimwo nĩ Ngai
Mũtongoria mwĩhokeku amatongorie
Mũciĩ ũngĩaga mũtongoria mũtheru
Thĩna ũcio nĩ mũnene gũkĩra mathĩna mothe
Menyai thĩna ũcio nĩ thĩna wĩ ruo
Gũkĩra maruo mothe.