277. MUNDU UTARUMAGIA UHORO WA MA

1.
Mũndũ ũtarũmagia ũhoro wa ma
Nĩ mũthĩni wa mecirĩa
No ũrĩa ũrũmagia ũhoro wa ma
Nĩ gĩtonga kĩa meciria

Hoya Ngai mũno mũno mũno
Akũgitĩre mathĩna maingĩ
Ma meciria moru
Hoya Ngai akũheage meciria matongu
Ndũkainainio nĩ magerio

2.
Gĩtũmi Ngai ahe anabii Roho Mũtheru
Nĩ matonge mecirĩa-inĩ
Na gĩtũmi Jesu ahe atũmwo ake Roho Mũtheru
Nĩ matonge mecirĩa-inĩ

3.
Waiyũrio ũmenyo mũingĩ nĩ Ngai
Mecirĩa-inĩ we wĩ gĩtonga gĩtheru
No weciria ũũru wĩkage ciĩko njũru
Menya wĩ mũthĩni wa meciria

4.
Thĩna gũthũũka na kũneneha
Nĩ ũngĩnyitwo nĩ ngoro njũru
Ũthũũke meciria-inĩ maku
Wage ũtonga wa gũkũhoreria

5. Ciugo njũru menya mũndũ akĩaria
Ũcio nĩ ngĩa njũru mũno
Na mũndũ wĩkaga ciĩko njũru
Nĩ mũthĩni mecirĩa-inĩ.