271. UTHERU WA RIITWA RIAKU

1.
Ũtheru wa Rĩĩtwa rĩaku
Na ũhoti wa guoko gwaku
Na tha ciaku Ngai
Waciririkana
Nĩ ũninaga marakara

Ngai wĩ tha Mũtheru wa isiraeli
Wĩricũkwo tiga kũrakarĩra andũ
Maiyũirwo nĩ ũrimũ ngoro

2.
Mũiyũro wa marakara maku
Ngai magarũre tiga
Gũtũng’aũrĩra
Mang’ũrĩka maku Ngai
Garũra tũtigathire

3.
Ngai tiga kwĩgũmĩra
Kũrakarĩra andũ irimũ
Ririkana watũrutire tĩri-inĩ
Rũkũngũ-inĩ rwa thĩ
Menya tũrĩ ahũthũ

4.
Mũthithũ wĩtagwo thĩna
Ndũkaũrutĩre ciana nyinyi
Ngai wĩ tha wĩricũkwo
Ririkana Ngai tha ciaku
Ũrĩ o nacio itithiraga

5.
Ngai nĩwericũkirwo
Wathaithwo nĩ Musa
Mũthenya ũrĩa
Wendete kũnina Aisiraeli
Me werũ-inĩ ũkĩarĩrio nĩ Musa

6.
Ithuĩ o na ciana ciitũ
Ithuothe tũrakarĩtie We
Ngai na Jesu na Roho Mũtheru
Nĩ ciĩko ciitũ
Tũgagũconorithia

7.
Ngai tũrĩ aconoku ithuĩ
Atongoria na atongorio
Na arutani na arutwo
Ithuothe tũkahumbwo
Mothiũ nĩ thoni

8.
Nĩ ithuĩ tũriganagĩrwo
Nĩ wega ũrĩa wanatwĩka
No we Ngai ndũriganagĩrwo
Nĩ ũririkanaga wega waku
Tiga kũrakara