228. MURUTANI JESU NIATHUIRE UGUTA

1.
Mũrutani Jesu nĩathũire ũgũũta
Nĩatetirie ngombo yarĩ kĩgũta
Ĩrĩa yaneirwo taranda yake ĩmwe
Ĩkĩhitha na ndĩonjorithie

Jesu nĩendaga andũ me kĩyo mũno
Ta ũrĩa We Mwene atariĩ kĩyo

2.
Jesu akiuga, we ngombo ĩno ngũtaru
Wahithire taranda yakwa
Koruo nĩwamĩtwarire bengi-inĩ
Nĩingiakora ĩ na maciaro ngene

3.
Aaciarwo Jesu nĩarutire wĩra
Wakũhonia mĩrimũ yothe
Na wĩra wa kũhe andũ ũhoro na kũhoya
Ngai kĩrĩma igũrũ ũtukũ

4.
Ũtukũ aararaga akĩhoya Ngai
Mũthenya akahonania ndwari
Na agatinda akĩhe andũ ũhoro wa ma
Na akaingata ngoma ikoima kũrĩ andũ

5.
Athuuri a matu-inĩ matienda ũgũta
Me kĩo mũno mũno biũ
Athuuri mĩrongo ĩĩrĩ na ana
O na nyamũ iria inya i muoyo

6.
Nyamu inya i muoyo mũthenya ikĩmũgooca
Na ũtukũ ititigithagĩria
Gwĩta Jehova, Mũtheru, Mũtheru
Athuuri nao makegũithia othe makoiga, Ameni

7.
Mahoya ma andu arĩa me ngoro theru
Rĩrĩa maambata igũrũ kwĩ Ngai
Athuuri acio mĩrongo ĩĩrĩ na ana othe
Makĩhoya makagathĩrĩria.