213. ATHURI NA ATUMIA

1.
Athuuri na atumia
Nĩ inyuĩ ene igongona
O na anake na airĩtu
Ũkai mwĩ na wendo
Mũnyihie mĩhang’o ya thĩ
Tũhoe Ngai twĩ hamwe

Nĩtũhoei mahoya nĩmo
Mahootaga thũ ciothe
Jesu oigire mahoya nĩmo
Maingataga Caitani

2.
Mahoya maga menyai
Mũtietereire muoyo
Ũrĩa ũkũrega mahoya
Mahoya nĩmo muoyo
Jesu oigire hoya ngũhe
Ringaringa ũhingũrĩrwo

3.
Nĩ ho agomanaga na andũ
Ngai kĩgongona-inĩ
Akamarathimĩra ho
Makahoota thũ ciothe
Jesu arehire mũteithia
Roho ateithie magongona

4.
Maaga gwĩtigĩra Ngai
Makĩenda mũhianano
Nĩmaahutatĩire nyũmba
Ya Ngai ũcio Mũtheru
Makĩrega watho wake
Na makĩrega mahoya

5.
Ngai akĩmarekereria
Gwĩ thũ cia ũhoro wa ma
Othe makĩhang’ahang’io
Nĩ merirĩria ma andũ
Na merirĩria ma mwĩrĩ
Na nguthi cia muoyo ũyũ.