165. UTHAMAKI WA NGAI

1.
Ũthamaki wa Ngai
Ndwamũkagĩra ihaki
Nĩwe mwene indo ciothe
Angĩhakĩka na kĩ?

Tigai kũhenania
Mũkiuga mwĩ na Roho
Roho ndahakĩkaga
No inyuĩ nĩmũhakagwo

2.
Nĩwe wombire mbũri
Na ng’ombe agĩcihe andũ
Na akĩũmba thĩ akĩiyũria
Nyamũ mĩthemba yothe

3.
Mwathani nĩageririo
Nĩ Caitani na ũnene
Na ndamũkĩre ihaki
Rĩa mwago wa gũkũ thĩ

4.
Ngai etire anabii
Marathĩre andũ ũhoro
Na matĩahakĩkire
Tondũ maarĩ na Roho

5.
Atũmwo a Jesu rĩrĩa
Manyuire Roho wa ma
Mathĩnjirwo me muoyo
Nĩ thũ cia Rĩĩtwa rĩrĩ.