131. JESU ONIRUO NI NGOMA

1.
Jesu onirwo nĩ ngoma
Ikĩinaina ikĩmũũria
“Woka gũtũnyarira
We Mũtheru wa Ngai?”

Wĩtĩkio ũtũmaga
Mũndũ amenyagĩrĩre
Mĩthiĩre yake yothe
Ngai wake akagoocwo

2.
Arĩa othe me na Roho
Thĩ yothe me na ũgwati
Tondũ Jesu aatũire
Na maithori gũkũ thĩ

3.
Jehova nĩagwathĩte
Roho ũrĩa agũitĩrĩirie
Therera andũ
Ndũkae gũthurania

4.
Rĩrĩa riũa rĩaratha
Rĩtheragĩra andũ othe
Nayo mbura ĩgunaga
Kĩndũ gĩothe kĩ muoyo

5.
Mũndũ arĩkia gwĩtĩkia
Ekaga andũ othe wega
Erĩgĩrĩire na ma
Ngai nĩakamũrĩha

6.
Woiga nĩwĩtĩkĩtie
Na wĩke ciĩko njũru
Cia gũcambithia Ngai
We ũhaana Caitani

7.
Caitani nĩamenyaga
Jehova nĩ arĩ hinya
No amenya akaremwo
Nĩgwĩka ciĩko njega.