129. MATUKU MA TENE DAUDI ORIRIE

1.
Matukũ ma tene Daudi oririe
Jehova mũndũ ũrĩa agetĩkĩria
Gũtũũra hekarũ yake ĩrĩa theru
Atungatagĩre ũthamaki wake

2.
Arĩa othe mũrĩ thĩ thikĩrĩriai
Kwaria kwa Jehova ũrĩa acokeirie
Ndungata ĩo yarĩ ya kwĩhokeka
Ngai oigire nĩ arĩa matariĩ ta ũũ

3.
Ũrĩa wĩ mĩthiĩre mĩerekereru
Na arutaga wĩra wothe na ũthingu
Na kwaria aragia ũhoro wa ma
Umĩte mũthithũ wa ngoro yake

4.
Ningĩ ndarĩ njambio rũrĩmĩ rwake
Maũndũ ma ũhinga ndangĩtĩkĩra
Gwĩka mũndũ ũrĩa ũngĩ mũthiritiwe
Ciugo cia rũmena ndangĩmũkĩra

5.
Maitho make mona gĩthagathago
Kĩa ngoro iria ciothe itakindagĩria
Nĩaiguaga kĩeha na ruo ngoro
Athaithi Jehova akamakenera

6.
Mwĩhĩtwa wa ngoro yake nĩ wa ma
Ndangĩgarũrĩra o na angĩũragwo
Njĩra cia atunyani ndangĩigerera
Kana athũre mũndũ ũtarĩ mwĩhia

7.
Kĩũngano-inĩ kĩrĩa kĩrĩ matu-inĩ
Gĩtĩ-inĩ gĩa ciira ũrĩa mũnene
Andũ arĩa mekaga mĩtugo ta ĩo
Gũtirĩ ũndũ o na ũmwe ũkamenyenyia

8.
Rĩrĩa ũthingu wothe ũkarũrũngana
Maitho-inĩ ma Ngai wa Iburahĩmu
Arĩa aganu na ehia ngombo cia mwĩrĩ
Gũtirĩ ũkahota kwĩyũmĩrĩria.