127. ANABII MERIRE NDURIRI CIETERERE

1.
Anabii merire
Ndũrĩrĩ cieterere
Njamba ĩrĩa ĩkarĩithagia
Mbũri ciothe cia Jehova

2.
Jesu arĩkia gũciarwo
Nĩaiyũrirwo nĩ ũrũme
Wakũrũĩra mbũri
Omĩrĩirie ngoro mũno

3.
Ũcio nĩwe Mũrĩithi
Ũtarĩ wa mũcaara
Nĩarũire na hiti
O nginya agĩitwo thakame

4.
Akorirwo nĩ nyamũ
Ikĩmũrigicĩria
Na ndeherere mbũri
Tondũ ndarĩ wa mũcaara

5.
Mũrĩithi wa mũcaara
Onaga hiti akora
Mĩrũthi yararama
Agatiga ng’ondu ciiki

6.
Mwathani rĩrĩa atuire
Gwaka gĩthima kĩrĩa
Gĩa gwĩthambwo nĩ ngoro
Ũthiũ wahanire riũa

7.
Nguo ciake ikĩerũha
Ta ũtheri mũnene
Musa me na Elija
Magĩũka ho matuĩke aira

8.
Petero na atũmwo othe
Roho ũrĩa maitĩrĩirio
Watũmire matũũre
Momĩrĩirie ngoro ciao

9.
Mahũranire mbaara
Ngoro itegũthangania
Macũthĩrĩirie mwago
Wa thũmbi iria i matu-inĩ.