106. JEHOVA HINDI IRIA AIKURUKIRE

1.
Jehova hĩndĩ ĩrĩa, aikũrũkirie
Ũtugi gũkũ thĩ, nĩ Zakaria
Ambire gũkora, e kĩgongona
Rĩrĩa athaithanaga, akĩmuonia njĩra

2. Ngai nĩatũmire, Jibiraeli
Itũũra rĩa Galili, kũrĩ Mariamu
Akamũtwarĩre, kĩrĩkanĩro
Kĩa andũ othe magooce, Rĩĩtwa rĩa Jehova

3.
Jibiraeli nake, rĩrĩa akorire
Mariamu akĩmwĩra, “Ũrĩ mũhoro
We wendetwo mũno, tiga kũmaka
Tiga gwĩtigĩra, Ngai e hamwe nawe”

4.
Mũraika ũcio arĩkia, kũhe Mariamu
Maũndũ matheru, akĩũmĩrĩria
Roho ũkĩmũiyũra, na akĩgĩa hinya
Umĩte matu-inĩ, kwĩ Jehova Ngai

5.
Hĩndĩ ĩo Mariamu, akĩarahũka
Akiuma Galili, na wendo mũingĩ
Agĩthiĩ ahiũhĩte, makageithanie
Na Elizabethi, nyina wa Johana
6.
Rĩrĩa monanire, Elizabethi
Akĩĩra Mariamu, “Wĩ mũrathime
Kũrĩ arĩa angĩ othe, tondũ wangeithia
Kaana nĩgakena, kambarara ke nda”

7.
Mariamu akĩgooca, Jehova akiuga
Ngoro nĩĩkũgooca, Mwathani wakwa
Tondũ nĩerũhĩtie, mĩhĩtwa yake
Ĩrĩa yothe erĩire, Baba Iburahĩmu.