52 Nyendaga gĩthoma ũhoro wa tene

1.
Nyendaga gĩthoma ũhoro wa tene,
Rĩrĩa Jesu atũire gũkũ thĩ,
Na ũrĩa etaga twana rũru-inĩ rũake,
Ngerira korũo na niĩ ndarĩ ho.

2.
Ndakenaga korũo nĩaanjigĩrĩire guoko,
Hĩndĩ ĩrĩa aaceraga gũkũ thĩ,
Kana nyone ũthiũ wake rĩrĩa oigaga,
Reke twana tũtũ tũũke gwakwa.

3.
Kũhoya nokuo kũngĩtuma ngairũo
Igai rĩa wendo wa Mwathani,
Na ingĩmũrũmagĩrĩra ndĩ gũkũ thĩ,
No ngamwona kũu gwake igũrũ.

4.
Kũndũ kũu We aathiire gũthodekera,
Arĩa othe makũrĩtwo nĩwe,
Twana tuothe twendete tũgacemania,
Tondũ nĩ watuo Ũthamaki ũcio.

5.
Arĩa othe mohetwo nĩ magerio,
Matarĩ maigua wendo wa Ngai,
Ndenda nao mamenye nĩmetereirũo,
Nake Jesu ekũmera,“Ũkai.
”
6.
Ngwenda mũno ihinda rĩu rĩkinye,
Tondũ nĩ rĩa gĩkeno kĩnene,
Ciana ciake ciothe cia mabũrũri-inĩ,
Ikarũrũngana irathimwo.