50 Ĩtĩkia ngai ũtigane na thĩna

1.
Ĩtĩkia ngai ũtigane na thĩna,
Nĩarĩkuonagia maũndũ mega,
Akwehererie mothe marĩa moru,
Ũgĩe na igai nĩ ũndũ wa Jesu.

Ĩtĩkia Ngai,
Ĩtĩkia Ngai,
Ĩtĩkia Ngai
Na ũmwĩhoke We.

2.
Ĩtĩkia Ngai ũhunjĩrie andũ arĩa angĩ,
Othe matoĩ maigue mũgambo,
Ũmamenyithie ũhoro wa Mwathani,
Moime nduma-inĩ mathiĩ ũtheri-inĩ.

3.
Ĩtĩkia Ngai na nĩũrĩmenyaga,
Wetĩkia Ngai nĩũkahonoka,
Othe makuĩte nĩmakariũka,
Na ũrĩa ũgũĩte nĩakarũgama.

4.
Ĩtĩkia Ngai nĩwe ũtheri waku,
Ũtige meciria ma gũkũ thĩ,
Ũnyite njĩra ya gũthiĩ Matu-inĩ,
Ũkahurũke hamwe na Jesu.