Go Back

Kũguũrĩrio Chapter 15

• 1. NGĨCOKA ngĩona ũrirũ ũngĩ Igũrũ, ũrirũ mũnene ũrĩ igegania, na nĩ araika mũgwanja me na matũhũhũ mũgwanja, marĩa ma kũrigĩrĩria, nĩ gũkorũo nĩmo ma kũhingia marakara ma Ngai.
• 2. Ningĩ ngĩona ta arĩ iria rĩa maĩ rĩhaana ta gĩcicio rĩtukaine na mwaki; nao arĩa moimĩte kwĩ nyamũ ĩrĩa, na kwĩ mũhianano wayo, na kwĩ namba ya rĩĩtwa rĩayo matoranĩtie, ngamona marũngiĩ rũtere-inĩ rũa iria rĩu rĩahaanaga ta gĩcicio, me na inanda cia Ngai, cia mũgeto.
• 3. Nao nĩ kũina mainaga rũĩmbo rũa Musa ũrĩa ndungata ya Ngai, na rũĩmbo rũa Gatũrũme, makoiga, Maũndũ maku marĩa wĩkĩte, Mwathani Ngai, wee Mwene-Hinya-Wothe, nĩ manene ma na nĩ ma kũgegania; mĩthiĩre yaku, wee Mũthamaki wa tene na tene, nĩ ya kĩhooto na no ya ma.
• 4. Nũ ũtangĩĩtigĩra, na agooce rĩĩtwa rĩaku, Mwathani? amu nowe wiki mũtheru; ndũrĩrĩ nĩigagĩũka ciothe ciinamĩrĩre harĩ wee, amu ciĩko ciaku cia kĩhooto rĩu nĩ nyonithanie.
• 5. Na thutha wa maũndũ macio ningĩ ngĩrora, nayo hekarũ ya hema ya ũira, ĩrĩa ĩrĩ Igũrũ, ĩkĩhingũrũo,
• 6. nao araika acio mũgwanja maarĩ na matũhũhũ marĩa mũgwanja makiuma kũu hekarũ ĩo thĩinĩ mekĩrĩte matama ma gatani matheru, makengu, na makeoha mĩcibi ya thahabu gĩthũri.
• 7. Na ciũmbe iria inya ii muoyo kĩmwe gĩkĩnengera araika acio mũgwanja mbakũri mũgwanja cia thahabu ciiyũire marakara ma Ngai, ũrĩa ũtũũraga muoyo tene o na tene.
• 8. Nayo hekarũ ĩkĩiyũra ndogo yumĩte riri-inĩ wa Ngai na ũhoti-inĩ wake; na gũtirĩ mũndũ wahotaga gũtonya thĩinĩ wa hekarũ, kinya matũhũhũ macio mũgwanja ma araika acio mũgwanja mathire.

Home