Go Back

Joshua Chapter 19

• 1. Na rĩrĩ, mũtĩ wa kerĩ wa mĩtĩ yacukwo-rĩ, wagũĩrĩire Simeoni, naguo ũguo nĩ ta kuuga mũhĩrĩga wa ciana cia Simeoni, o ta ũrĩa mbarĩ ciaguo ciatariĩ; naguo bũrũri ũrĩa warĩ igai rĩaguo watonyete thĩinĩ wa bũrũri wa ciana cia Juda.
• 2. Naguo bũrũri ũcio warĩ igai rĩaguo ũkĩrigia Biri-shiba (kana Shiba), na Molada;
• 3. na Hazari-shuali, na Bala, na Ezemu;
• 4. na Elitoladi, na Bethulu, na Horima;
• 5. na Zikilagi, na Bethi-marikabothu, na Hazari-susa;
• 6. na Bethi-lebaothu, na Sharuheni; nĩ matũũra ikũmi na matatũ, o na tũtũũra twamo;
• 7. namo marĩa mangĩ nĩ Aini, na Rimoni, na Etheri, na Ashani; nĩ matũũra mana, o na tũtũũra twamo;
• 8. o na tũtũũra tũrĩa tũngĩ tuothe twarigicĩirie matũũra macio o nginya Baalathu-biri, narĩo nĩrĩo Rama rĩa Gũthini. Ũcio nĩguo bũrũri ũrĩa watuĩkire igai rĩa mũhĩrĩga wa ciana cia Simeoni, o ta ũrĩa mbarĩ ciaguo ciatariĩ.
• 9. Ciana icio cia Simeoni igĩkĩgaya gĩcunjĩ kĩmwe kĩa bũrũri wa ciana cia Juda, nĩ ũndũ bũrũri ũcio wa ciana cia Juda warĩ mũnene ũgacikĩra; na tondũ ũcio ciana icio cia Simeoni igĩkĩgĩa na igai rĩacio rĩtonyete thĩinĩ wa bũrũri ũcio wagaĩtwo nĩ ciana cia Juda.
• 10. Naguo mũtĩ wa gatatũ wa mĩtĩ yacukwo-rĩ, ũkĩgũĩra ciana cia Zebuluni o ta ũrĩa mbarĩ ciacio ciatariĩ; naguo mũhaka wa igai rĩacio wakinyĩte Saridi;
• 11. naguo mũhaka ũcio wao ũgĩkĩambata ũrorete na mwena wa ithũĩro, ũgĩkinya Marala, ũgĩcoka ũgĩkinya Dabeshethu, o na ningĩ ũgĩkinya karũũĩ-inĩ karĩa kang’etheire Jokineamu;
• 12. ũgĩkĩrigicũka na mwena wa irathĩro ũrĩa ũrorete na kũrĩa riũa rĩrathagĩra, uumĩte Saridi ũgĩkinya mũhaka-inĩ wa Kisilothu-taboru; ũgĩcoka ũkiumĩrĩra Daberathu, ũkĩambata ũgĩkinya Jafia;
• 13. ningĩ woima hau, ũkĩhungura ũrorete irathĩro, ũgĩkinya Gathi-heferi, o na Ethi-kazini; ningĩ ũgĩkinya itũũra rĩa Rimoni, rĩrĩa rĩgucũkĩte rĩgathiĩ kũhutia Nea,
• 14. naguo mũhaka ũcio ũgĩcoka ũkĩrigicũka na mwena wa gathigathini, ũgĩkinya Hanathoni; nacio nyumĩrĩra ciaguo ciarĩ gĩtuamba kĩa Ifitaheli;
• 15. na Katathu, na Nahalali, na Shimuroni, na Idala, na Bethi-lehemu; nĩ matũũra ikũmi na merĩ, o na tũtũũra twamo.
• 16. Rĩu nĩrĩo igai rĩa ciana cia Zebuluni, o ta ũrĩa mbarĩ ciacio ciatariĩ, narĩo nĩrĩo matũũra macio, o na tũtũũra twamo.
• 17. Naguo mũtĩ wa kana wa mĩtĩ yacukwo-rĩ, ũkĩgũĩra Isakaru, naguo ũguo nĩ ta kuuga ũkĩgũĩra ciana cia Isakaru o ta ũrĩa mbarĩ ciacio ciatariĩ.
• 18. Naguo mũhaka wacio wakinyĩte Jezireeli, na Kesulothu, na Shunemu;
• 19. na Hafaraimu, na Shioni, na Anaharathu;
• 20. na Rabithu, na Kishioni, na Ebezu;
• 21. na Remethu, na Eni-ganihu, na Eni-hada, na Bethi-pazezu;
• 22. ningĩ mũhaka ũcio ũgakinya o Taboru, na Shahazuma, na Bethi-shemeshi; nayo nyumĩrĩra yaguo yarĩ o kũu Jorodani; nĩ matũũra ikũmi na matandatũ, o na tũtũũra twamo.
• 23. Rĩu nĩrĩo igai rĩa mũhĩrĩga wa ciana cia Isakaru, o ta ũrĩa mbarĩ ciacio ciatariĩ, narĩo nĩrĩo matũũra macio o na tũtũũra twamo.
• 24. Naguo mũtĩ wa gatano wa mĩtĩ yacukwo-rĩ, ũkĩgũĩra mũhĩrĩga wa ciana cia Asheri o ta ũrĩa mbarĩ ciaguo ciatariĩ.
• 25. Naguo mũhaka waguo warĩ Helikathu, na Hali, na Beteni, na Akishafu;
• 26. na Alameleki, na Amadi, na Mishali; ũgĩgĩkinya Karimeli, mwena wa ithũĩro, o na Shihoru-libinathu;
• 27. ningĩ ũkĩrigicũka ũrorete na kũrĩa riũa rĩrathagĩra, ũgĩkinya Bethi-dagoni, ũgĩcoka ũgĩkinya Zebuluni, o na gĩtuamba kĩa Ifita-eli mwena wa gathigathini, o nginya Beth-emeku na Neieli; naguo mwena wa ũmotho, nyumĩrĩra yaguo yarĩ Kabuli,
• 28. na Ebironi, na Rehobu, na Hamoni, na Kana, o nginya itũũra rĩa Zidoni rĩrĩa inene;
• 29. ningĩ ũkĩrigicũka ũgĩkinya Rama, o na itũũra rĩa Turo rĩrĩa rĩirigĩtwo; ningĩ mũhaka ũcio ũkĩrigicũka ũgĩkinya Hosa; nayo nyumĩrĩra yaguo yarĩ iria-inĩ, gũkuhĩ na Akizibu;
• 30. o na ningĩ matũũra ma Uma, na Afeku, na Rehobu, maarĩ ma cio; nĩ matũũra mĩrongo ĩĩrĩ na merĩ, o na tũtũũra twamo.
• 31. Rĩu nĩrĩo igai rĩa mũhĩrĩga wa ciana cia Asheri, o ta ũrĩa mbarĩ ciacio ciatariĩ, narĩo nĩrĩo matũũra macio o na tũtũũra twamo.
• 32. Naguo mũtĩ wa gatandatũ wa mĩtĩ yacukwo-rĩ, ũkĩgũĩra ciana cia Nafitali, naguo ũguo nĩ ta kuuga ciana cia Nafitali o ta ũrĩa mbarĩ ciacio ciatariĩ.
• 33. Naguo mũhaka wacio warutĩtio Helefu, mũgandi-inĩ ũrĩa warĩ Zaananimu, o na ũkoima Adami-nekebu, na Jebineeli, ũgakinya Lakumu; nayo nyumĩrĩra yaguo yarĩ kũu Jorodani;
• 34. ningĩ mũhaka ũcio ũkĩrigicũka ũrorete mwena wa ithũĩro, ũgĩkinya Azinothu-taboru, ũgĩgĩthiĩ o ro ũguo ũkĩumĩra Hukoku; na ningĩ mwena wa gũthini ũgĩkinya Zebuluni, o naguo mwena wa ithũĩro ũgĩkinya Asheri, ningĩ ũgĩkinya Juda o kũu Jorodani mwena ũrĩa riũa rĩrathagĩra.
• 35. Namo matũũra marĩa maairigĩtwo maarĩ Zidimu, na Zeri, na Hamathu, na Rakathu, na Kinerethu;
• 36. na Adama, na Rama, na Hazoru;
• 37. na Kedeshi, na Edirei, na Enihazoru;
• 38. na Ironi, na Migidali-eli, na Horemu, na Beth-anathu, na Bethi-shemeshi; nĩ matũũra ikũmi na kenda, o na tũtũũra twamo.
• 39. Rĩu nĩrĩo igai rĩa mũhĩrĩga wa ciana cia Nafitali, o ta ũrĩa mbarĩ ciacio ciatariĩ, narĩo nĩrĩo matũũra macio o na tũtũũra twamo.
• 40. Naguo mũtĩ wa mũgwanja wa mĩtĩ yacukwo-rĩ, ũkĩgũĩra mũhĩrĩga wa ciana cia Dani o ta ũrĩa mbarĩ ciaguo ciatariĩ.
• 41. Naguo mũhaka wa igai rĩaguo warĩ Zora, na Eshitaoli, na Iri-shemeshi,
• 42. na Shaalabini, na Aijaloni, na Ithila;
• 43. na Eloni, na Timina, na Ekironi;
• 44. na Eliteke, na Gibethoni, na Baalathu;
• 45. na Jehudu, na Bene-beraka, na Gathi-rimoni;
• 46. na Mejarikoni, na Rakoni, hamwe na kũndũ kũrĩa kũng’etheire Jopa.
• 47. Naguo mũhaka ũcio wa ciana cia Dani ũkĩhĩtũka ũgĩkĩra kũrĩa ciaheetwo, nĩ ũndũ wa ũrĩa ciaambatire igĩthiĩ kũhũrana na itũũra rĩa Leshemu ikĩrĩtunyana igĩkĩrĩhũra na hiũ cia njora, ikĩrĩĩgwatĩra, rĩgĩtuĩka rĩacio, ikĩrĩtũũra, narĩo itũũra rĩu rĩa Leshemu ikĩrĩĩta Dani, o ta ũrĩa Dani ithe wacio etagwo.
• 48. Rĩu nĩrĩo igai rĩa mũhĩrĩga wa ciana cia Dani, o ta ũrĩa mbarĩ ciacio ciatariĩ, narĩo nĩrĩo matũũra macio o na tũtũũra twamo.
• 49. Andũ acio magĩkĩrĩkia kũgayania bũrũri ũcio magĩkĩwatũra mĩhaka yaguo, nacio ciana cia Isiraeli ikĩhe Joshua wa Nuni kũndũ gwa gũtuĩka igai rĩake kũu thĩinĩ wacio.
• 50. Na rĩrĩ, o ta ũrĩa Jehova aathanĩte-rĩ, noguo ciamũheire itũũra rĩrĩa etirie, narĩo nĩrĩo Timinathu-sera, o kũu bũrũri ũrĩa wĩ irĩma nyingĩ wa Efiraimu; nake agĩgĩaka itũũra rĩu akĩrĩtũũra.
• 51. Macio nĩmo mogai marĩa Eleazaru mũthĩnjĩri-Ngai, na Joshua wa Nuni, o na andũ arĩa maarĩ ciongo cia mbarĩ cia mĩhĩrĩga ya ciana cia Isiraeli, maagayanirie na ũndũ wa kũmacukĩra mĩtĩ o kũu Shilo, mbere ya Jehova, marĩ o hau mũromo-inĩ wa Hema-ya-gũtũnganwo. Ũguo nĩguo ũhoro wa kũgayania bũrũri ũcio warĩkirio.

Home