Go Back

Ndari Chapter 33

• 1. ICI NĨCIO ng’endo cia ciana cia Isiraeli o rĩrĩa mbũtũ ciacio cioimire bũrũri wa Misiri irĩ watho-inĩ wa Musa na Haruni, macitongoretie.
• 2. Nake Musa agĩkĩandĩka ũhoro wa ng’endo ciacio o ta ũrĩa Jehova aamwathĩte; nacio ici nĩcio ng’endo ciacio o ta ũrĩa ciathiaga.
• 3. Ciagwatire rũgendo ciumĩte Ramesese mweri wa mbere, o mũthenya wa ikũmi na ĩtano wa mweri ũcio wa mbere; rũciũ rũrũ rũngĩ thutha wa Bathaka nĩruo ciana cia Isiraeli cioimire kũu igĩthiĩ itarĩ na guoya o na hanini, igĩkĩonagwo nĩ Amisiri othe,
• 4. o hĩndĩ ĩrĩa Amisiri maathikaga marigithathi mao mothe, marĩa Jehova aahũrĩte akoraga thĩinĩ wao; o nacio ngai ciao Jehova agĩcicirithia.
• 5. Ciana cia Isiraeli igĩgĩthiĩ rũgendo ciumĩte kũu Ramesese, ikĩamba hema ciacio Sukothu.
• 6. Ningĩ igĩthiĩ rũgendo ciumĩte Sukothu, ikĩamba hema ciacio Ethamu ndere-inĩ cia werũ.
• 7. Ningĩ igĩthiĩ rũgendo ciumĩte kũu Ethamu, ikĩhũndũka na thutha igĩkinya Pi-hahirothu, itũũra rĩrĩa rĩaringaine na Baali-zefoni; igĩkĩamba hema ciacio ing’etheire Migidoli.
• 8. Ningĩ igĩthiĩ rũgendo ciumĩte hau haringaine na Hahirothu, igĩtuĩkanĩrĩa iria gatagatĩ, igĩkinya werũ-inĩ; igĩgĩthiĩ rũgendo rũa mĩthenya ĩtatũ werũ-inĩ ũcio wa Ethamu, ikĩamba hema ciacio Mara.
• 9. Ningĩ igĩthiĩ rũgendo ciumĩte kũu Mara, igĩkinya Elimu; nakuo kũu Elimu kwarĩ matherũkĩro ikũmi na merĩ ma maĩ, o na mĩtende mĩrongo mũgwanja; igĩkĩamba hema ciacio hau.
• 10. Ningĩ ikĩgwata rũgendo ciumĩte hau Elimu, ikĩamba hema ciacio hakuhĩ na Iria Itune.
• 11. Ningĩ igĩthiĩ rũgendo ciumĩte kũu Iria Itune, ikĩamba hema ciacio werũ-inĩ wa Sini.
• 12. Ningĩ igĩthiĩ rũgendo ciumĩte werũ-inĩ ũcio wa Sini, ikĩamba hema ciacio Dofika.
• 13. Ningĩ igĩthiĩ rũgendo ciumĩte kũu Dofika, ikĩamba hema ciacio Alushu.
• 14. Ningĩ igĩthiĩ rũgendo ciumĩte kũu Alushu, ikĩamba hema ciacio Refidimu, handũ hatarĩ maĩ ma kũnyuwo nĩ andũ acio.
• 15. Ningĩ igĩthiĩ rũgendo ciumĩte kũu Refidimu, ikĩamba hema ciacio werũ-inĩ wa Sinai.
• 16. Ningĩ igĩthiĩ rũgendo ciumĩte werũ-inĩ ũcio wa Sinai, ikĩamba hema ciacio Kibirothu-hataava.
• 17. Ningĩ igĩthiĩ rũgendo ciumĩte kũu Kibirothu-hataava, ikĩamba hema ciacio Hazerothu.
• 18. Ningĩ igĩthiĩ rũgendo ciumĩte kũu Hazerothu, ikĩamba hema ciacio Rithima.
• 19. Ningĩ igĩthiĩ rũgendo ciumĩte kũu Rithima, ikĩamba hema ciacio Rimoni-perezu.
• 20. Ningĩ igĩthiĩ rũgendo ciumĩte kũu Rimoni-perezu, ikĩamba hema ciacio Libina.
• 21. Ningĩ igĩthiĩ rũgendo ciumĩte kũu Libina, ikĩamba hema ciacio Risa.
• 22. Ningĩ igĩthiĩ rũgendo ciumĩte kũu Risa, ikĩamba hema ciacio Keheletha.
• 23. Ningĩ igĩthiĩ rũgendo ciumĩte kũu Keheletha, ikĩamba hema ciacio kĩrĩma-inĩ gĩa Sheferu.
• 24. Ningĩ igĩthiĩ rũgendo ciumĩte kĩrĩma-inĩ kĩu gĩa Sheferu, ikĩamba hema ciacio Harada.
• 25. Ningĩ igĩthiĩ rũgendo ciumĩte kũu Harada, ikĩamba hema ciacio Makelothu.
• 26. Ningĩ igĩthiĩ rũgendo ciumĩte kũu Makelothu, ikĩamba hema ciacio Tahathu.
• 27. Ningĩ igĩthiĩ rũgendo ciumĩte kũu Tahathu, ikĩamba hema ciacio Tera.
• 28. Ningĩ igĩthiĩ rũgendo ciumĩte kũu Tera, ikĩamba hema ciacio Mithika.
• 29. Ningĩ igĩthiĩ rũgendo ciumĩte kũu Mithika, ikĩamba hema ciacio Hashimona.
• 30. Ningĩ igĩthiĩ rũgendo ciumĩte kũu Hashimona, ikĩamba hema ciacio Moserothu.
• 31. Ningĩ igĩthiĩ rũgendo ciumĩte kũu Moserothu, ikĩamba hema ciacio Bene-jaakani.
• 32. Ningĩ igĩthiĩ rũgendo ciumĩte kũu Bene-jaakani ikĩamba hema ciacio Hori-hagidigadi.
• 33. Ningĩ igĩthiĩ rũgendo ciumĩte kũu Hori-hagidigadi ikĩamba hema ciacio Jotibatha.
• 34. Ningĩ igĩthiĩ rũgendo ciumĩte kũu Jotibatha, ikĩamba hema ciacio Abirona.
• 35. Ningĩ igĩthiĩ rũgendo ciumĩte kũu Abirona, ikĩamba hema ciacio Ezioni-geberi.
• 36. Ningĩ igĩthiĩ rũgendo ciumĩte kũu Ezioni-geberi, ikĩamba hema ciacio werũ-inĩ wa Zini (na noho Kadeshi).
• 37. Ningĩ igĩthiĩ rũgendo ciumĩte kũu Kadeshi, ikĩamba hema ciacio kĩrĩma-inĩ kĩa Horu, o kũu ndere-inĩ cia bũrũri wa Edomu.
• 38. Nake Haruni, mũthĩnjĩri-Ngai, agĩkĩambata kĩrĩma-inĩ kĩu kĩa Horu, na ũndũ wa ũrĩa aathĩtwo nĩ Jehova, agĩkuĩra kuo, o mwaka wa mĩrongo ĩna thutha wa hĩndĩ ĩrĩa ciana cia Isiraeli cioimire bũrũri wa Misiri, o mweri wa ĩtano, mũthenya wa mbere waguo.
• 39. Nake Haruni aakorirũo aninĩte mĩaka igana rĩmwe rĩa mĩrongo ĩĩrĩ na ĩtatũ hĩndĩ ĩo aakuĩrĩire kũu kĩrĩma-inĩ kĩu kĩa Horu.
• 40. Nake Mũkanaani ũrĩa warĩ mũthamaki wa Aradi, o ũcio watũũraga mwena wa Gũthini wa bũrũri ũcio wa Kanaani, akĩigua ũhoro wa atĩ ciana cia Isiraeli nĩiroka kuo.
• 41. Ningĩ igĩthiĩ rũgendo ciumĩte kĩrĩma-inĩ kĩu kĩa Horu, ikĩamba hema ciacio Zalimona.
• 42. Ningĩ igĩthiĩ rũgendo ciumĩte kũu Zalimona, ikĩamba hema ciacio Punoni.
• 43. Ningĩ igĩthiĩ rũgendo ciumĩte kũu Punoni, ikĩamba hema ciacio Obothu.
• 44. Ningĩ igĩthiĩ rũgendo ciumĩte kũu Obothu, ikĩamba hema ciacio Iye-abarimu, o mũhaka-inĩ wa Moabi.
• 45. Ningĩ igĩthiĩ rũgendo ciumĩte kũu Iyimu, ikĩamba hema ciacio Diboni-gadi.
• 46. Ningĩ igĩthiĩ rũgendo ciumĩte kũu Diboni-gadi, ikĩamba hema ciacio Alimoni-dibilathaimu.
• 47. Ningĩ igĩthiĩ rũgendo ciumĩte kũu Alimoni-dibilathaimu, ikĩamba hema ciacio irĩma-inĩ cia Abarimu iria iringaine na Nebo.
• 48. Ningĩ igĩthiĩ rũgendo ciumĩte irĩma-inĩ icio cia Abarimu, ikĩamba hema ciacio werũ wa Moabi, gũkuhĩ na rũũĩ rũa Jorodani, kũu Jeriko.
• 49. Nacio ikĩamba hema ciacio o hakuhĩ na rũũĩ rũu rũa Jorodani, kuuma Bethi-jeshimothu o nginya Abeli-shitimu, o kũu werũ-inĩ wa Moabi.
• 50. Nake Jehova agĩkĩarĩria Musa o kũu werũ-inĩ ucio wa Moabi gũkuhĩ na Jorodani, o kũu Jeriko, akĩmwĩra atĩrĩ,
• 51. Arĩria ciana cia Isiraeli ũciĩre atĩrĩ, Hĩndĩ ĩrĩa mũkaringa Jorodani, mũkinye bũrũri wa Kanaani,
• 52. nĩmũkaingata andũ othe arĩa matũũraga bũrũri ũcio, mehere mbere yanyu; namo mahiga mao marĩa makururĩtwo mĩhianano mũmoragange, nayo mĩhianano ĩrĩa ĩthondeketwo na ũndũ wa gũtwekio na mwaki, mũmĩanange, o namo matĩri mao mũmatharie biũ;
• 53. naguo bũrũri ũcio mũwĩgwatĩre ũtuĩke wanyu, mũũtũũre; nĩ ũndũ nĩ inyuĩ ’heete bũrũri ũcio ũtuĩke wanyu.
• 54. Naguo bũrũri ũcio mũkaũgaya na ũndũ wa kũũcukĩra mĩtĩ, o ta ũrĩa nyũmba cianyu itariĩ; andũ arĩa maaingĩha maheo handũ hanene hatuĩke igai rĩao; o nao arĩa maanyiha, maheo handũ hanini hatuĩke igai rĩao, o kũndũ kũrĩa guothe mũndũ akagũĩrũo nĩkuo, aacukĩrũo mĩtĩ-rĩ, nokuo gũgatuĩka gwake; na rĩrĩ, mũkagwataga igai rĩanyu o ta ũrĩa mĩhĩrĩga ya maithe manyu ĩtariĩ.
• 55. No rĩrĩ, mũngĩkaaga kũingata andũ arĩa matũũraga bũrũri ũcio, mehere mbere yanyu-rĩ, acio mũgatigia matũũre kuo magatuĩka ta rũcago rũa kũmũtũra maitho, o na ta mĩigua ya kũmũtheca mbaru; na nĩmagatũũra mamũnyariraga o kũu bũrũri ũcio mũtũũrĩte.
• 56. Na nĩgũgakinya atĩrĩ, atĩ ũndũ ũrĩa ndacirĩire kũmeka arĩ o, ũtuĩke atĩ nĩguo ngũmwĩka inyuĩ.

Home