Go Back

Ndari Chapter 1

• 1. NA RĨRĨ, Jehova agĩkĩarĩria Musa werũ-inĩ wa Sinai mwaka wa ĩĩrĩ thutha wa moima bũrũri wa Misiri, agĩkĩmwarĩria arĩ o kũu hema-inĩ-ya-gũtũnganwo, mũthenya wa mbere wa mweri wa kerĩ wa mwaka ũcio, akĩmwĩra atĩrĩ,
• 2. Tara kĩrĩndĩ gĩothe gĩa ciana cia Isiraeli o ta ũrĩa mbarĩ ciacio itariĩ, o na ta ũrĩa nyũmba cia maithe ma cio itariĩ, ũtare mĩtwe ya arũme, mũndũ o mũndũ, o ta ũrĩa marĩĩtwa mao matwaranĩte;
• 3. nao andũ arĩa inyuĩ na Haruni mũgũtara marĩ mbũtũ-inĩ ciao, nĩ arĩa makinyĩtie mĩaka mĩrongo ĩĩrĩ na magakĩria hau, o arĩa othe thĩinĩ wa andũ a Isiraeli mangĩhota kuumagara mathiĩ ita-inĩ.
• 4. Na hamwe na inyuĩ hagĩe mũndũ ũmwe wa mũhĩrĩga o mũhĩrĩga, na akorũo arĩ ũrĩa mũtongoria thĩinĩ wa nyũmba ya ithe.
• 5. Namo marĩĩtwa ma andũ acio makarũgama hamwe na inyuĩ nĩ maya: wa mũhĩrĩga wa Reubeni nĩ Elizuru wa Shedeuru;
• 6. wa mũhĩrĩga wa Simeoni nĩ Shelumieli wa Zurishadai;
• 7. wa mũhĩrĩga wa Juda nĩ Nahashoni wa Aminadabu;
• 8. wa mũhĩrĩga wa Isakaru nĩ Nethaneli wa Zuaru;
• 9. wa mũhĩrĩga wa Zebuluni nĩ Eliabu wa Heloni.
• 10. Naho ha ũhoro wa ciana cia Jusufu-rĩ, wa mũhĩrĩga wa Efiraimu nĩ Elishama wa Amihudu, na wa mũhĩrĩga wa Manase nĩ Gamalieli wa Pedazuru;
• 11. wa mũhĩrĩga wa Benjamini nĩ Abidani wa Gideoni;
• 12. wa mũhĩrĩga wa Dani, nĩ Ahiezeru wa Amishadai;
• 13. wa mũhĩrĩga wa Asheri nĩ Pagieli wa Okirani;
• 14. wa mũhĩrĩga wa Gadi nĩ Eliasafu wa Deueli;
• 15. wa mũhĩrĩga wa Nafitali nĩ Ahira wa Enani.
• 16. Acio nĩo metirũo magĩthurũo kĩrĩndĩ-inĩ gĩa ciana cia Isiraeli, na nĩo maarĩ atongoria mĩhĩrĩga-inĩ ya maithe mao, ningĩ nĩo maarĩ anene a nyũmba cia maithe mao thĩinĩ wa andũ a Isiraeli.
• 17. Musa na Haruni magĩkĩoya o acio maagwetwo marĩĩtwa mao,
• 18. magĩgĩcokanĩrĩria kĩrĩndĩ kĩu gĩothe gĩa ciana cia Isiraeli hamwe mũthenya wa mbere wa mweri ũcio wa kerĩ, naguo ũhoro wa ũrĩa njiaro ciao ithiĩte thĩinĩ wa mbarĩ ciao-rĩ, ũkiumbũranĩrũo, gũkĩmenyithanio ũrĩa nyũmba cia maithe mao ciatariĩ, na ũrĩa marĩĩtwa mao maatwaranĩte, gũgĩtarũo mĩtwe ya andũ arĩa othe maakinyĩtie mĩaka mĩrongo ĩĩrĩ, o na magakĩria hau.
• 19. O ta ũrĩa Jehova aathire Musa gwĩkwo-rĩ, ũguo noguo aamatarĩire kũu werũ-inĩ ũcio wa Sinai.
• 20. Nacio njiaro cia ciana cia Reubeni, irigithathi rĩa Isiraeli, igĩtarũo o ta ũrĩa mbarĩ ciacio, o na nyũmba cia maithe ma cio, ciatariĩ, o na ta ũrĩa marĩĩtwa ma arũme othe arĩa maakinyĩtie mĩaka mĩrongo ĩĩrĩ, na magakĩria hau, maatwararanĩte magĩtarũo mĩtwe yao, naguo ũguo nĩ ta kuuga andũ othe arĩa maahotaga kuumagara mathiĩ ita-inĩ;
• 21. arĩa maatarirũo thĩinĩ wa mũhĩrĩga ũcio wa Reubeni-rĩ, maarĩ ngiri mĩrongo ĩna na ithathatũ na magana matano.
• 22. Nacio njiaro cia ciana cia Simeoni igĩtarũo o ta ũrĩa mbarĩ ciacio, o na nyũmba cia maithe ma cio, ciatariĩ, o na ta ũrĩa marĩĩtwa ma arũme othe arĩa maakinyĩtie mĩaka mĩrongo ĩĩrĩ, na magakĩria hau, maatwaranĩte magĩtarũo mĩtwe yao, naguo ũguo nĩ ta kuuga andũ othe arĩa maahotaga kuumagara mathiĩ ita-inĩ;
• 23. arĩa maatarirũo thĩinĩ wa mũhĩrĩga ũcio wa Simeoni-rĩ, maarĩ ngiri mĩrongo ĩtano na kenda, na magana matatũ.
• 24. Nacio njiaro cia ciana cia Gadi igĩtarũo o ta ũrĩa mbarĩ ciacio, o na nyũmba cia maithe ma cio ciatariĩ, o na ta ũrĩa marĩĩtwa mao othe arĩa maakinyĩtie mĩaka mĩrongo ĩĩrĩ, na magakĩria hau, maatwaranĩte, naguo ũguo nĩ ta kuuga andũ othe arĩa maahotaga kuumagara mathiĩ ita-inĩ;
• 25. arĩa maatarirũo thĩinĩ wa mũhĩrĩga ũcio wa Gadi-rĩ, maarĩ ngiri mĩrongo ĩna na ithano, na magana matandatũ ma mĩrongo ĩtano.
• 26. Nacio njiaro cia ciana cia Juda igĩtarũo o ta ũrĩa mbarĩ ciacio, o na nyũmba cia maithe ma cio, ciatariĩ, o na ta ũrĩa marĩĩtwa mao othe arĩa maakinyĩtie mĩaka mĩrongo ĩĩrĩ, na magakĩria hau, maatwaranĩte, naguo ũguo nĩ ta kuuga andũ othe arĩa maahotaga kuumagara mathiĩ ita-inĩ;
• 27. arĩa maatarirũo thĩinĩ wa mũhĩrĩga ũcio wa Juda-rĩ, maarĩ ngiri mĩrongo mũgwanja na inya, na magana matandatũ.
• 28. Nacio njiaro cia ciana cia Isakaru igĩtarũo o ta ũrĩa mbarĩ ciacio, o na nyũmba cia maithe ma cio, ciatariĩ, o na ta ũrĩa marĩĩtwa mao othe arĩa maakinyĩtie mĩaka mĩrongo ĩĩrĩ, na magakĩria hau, maatwaranĩte, naguo ũguo nĩ ta kuuga andũ othe arĩa maahotaga kuumagara mathiĩ ita-inĩ;
• 29. arĩa maatarirũo thĩinĩ wa mũhĩrĩga ũcio wa Isakaru-rĩ, maarĩ ngiri mĩrongo ĩtano na inya, na magana mana.
• 30. Nacio njiaro cia ciana cia Zebuluni igĩtarũo o ta ũrĩa mbarĩ ciacio, o na nyũmba cia maithe ma cio, ciatariĩ, o na ta ũrĩa marĩĩtwa mao othe arĩa maakinyĩtie mĩaka mĩrongo ĩĩrĩ, na magakĩria hau, maatwaranĩte, naguo ũguo nĩ ta kuuga andũ othe arĩa maahotaga kuumagara mathiĩ ita-inĩ;
• 31. arĩa maatarirũo thĩinĩ wa mũhĩrĩga ũcio wa Zebuluni-rĩ, maarĩ ngiri mĩrongo ĩtano na mũgwanja, na magana mana.
• 32. Naho ha ũhoro wa ciana cia Jusufu-rĩ, njiaro cia ciana cia Efiraimu igĩtarũo o ta ũrĩa mbarĩ ciacio, o na nyũmba cia maithe ma cio, ciatariĩ, o na ta ũrĩa marĩĩtwa mao othe arĩa maakinyĩtie mĩaka mĩrongo ĩĩrĩ, na magakĩria hau, maatwaranĩte, naguo ũguo nĩ ta kuuga andũ othe arĩa maahotaga kuumagara mathiĩ ita-inĩ
• 33. arĩa maatarirũo thĩinĩ wa mũhĩrĩga ũcio wa Efiraimu-rĩ, maarĩ ngiri mĩrongo ĩna, na magana matano.
• 34. Nacio njiaro cia ciana cia Manase igĩtarũo o ta ũrĩa mbarĩ ciacio, o na nyũmba cia maithe ma cio, ciatariĩ, o na ta ũrĩa marĩĩtwa mao othe arĩa maakinyĩtie mĩaka mĩrongo ĩĩrĩ, na magakĩria hau, maatwaranĩte, naguo ũguo nĩ ta kuuga andũ othe arĩa maahotaga kuumagara mathiĩ ita-inĩ;
• 35. arĩa maatarirũo thĩinĩ wa mũhĩrĩga ũcio wa Manase-rĩ, maarĩ ngiri mĩrongo ĩtatũ na igĩrĩ, na magana merĩ.
• 36. Nacio njiaro cia ciana cia Benjamini igĩtarũo o ta ũrĩa mbarĩ ciacio, o na nyũmba cia maithe ma cio, ciatariĩ, o na ta ũrĩa marĩĩtwa mao othe arĩa maakinyĩtie mĩaka mĩrongo ĩĩrĩ, na magakĩria hau, maatwaranĩte, naguo ũguo nĩ ta kuuga andũ othe arĩa maahotaga kuumagara mathiĩ ita-inĩ;
• 37. arĩa maatarirũo thĩinĩ wa mũhĩrĩga ũcio wa Benjamini-rĩ, maarĩ ngiri mĩrongo ĩtatũ na ithano, na magana mana.
• 38. Nacio njiaro cia ciana cia Dani igĩtarũo o ta ũrĩa mbarĩ ciacio, o na nyũmba cia maithe ma cio, ciatariĩ, o na ta ũrĩa marĩĩtwa mao othe arĩa maakinyĩtie mĩaka mĩrongo ĩĩrĩ, na magakĩria hau, maatwaranĩte, naguo ũguo nĩ ta kuuga andũ othe arĩa maahotaga kuumagara mathiĩ ita-inĩ;
• 39. arĩa maatarirũo thĩinĩ wa mũhĩrĩga ũcio wa Dani-rĩ, maarĩ ngiri mĩrongo ĩtandatũ na igĩrĩ, na magana mũgwanja.
• 40. Nacio njiaro cia ciana cia Asheri igĩtarũo o ta ũrĩa mbarĩ ciacio, o na nyũmba cia maithe ma cio, ciatariĩ, o na ta ũrĩa marĩĩtwa mao othe arĩa maakinyĩtie mĩaka mĩrongo ĩĩrĩ, na magakĩria hau, maatwaranĩte, naguo ũguo nĩ ta kuuga andũ othe arĩa maahotaga kuumagara mathiĩ ita-inĩ;
• 41. arĩa maatarirũo thĩinĩ wa mũhĩrĩga ũcio wa Asheri-rĩ, maarĩ ngiri mĩrongo ĩna na ũmwe, na magana matano.
• 42. Nacio njiaro cia ciana cia Nafitali igĩtarũo o ta ũrĩa mbarĩ ciacio o na nyũmba cia maithe ma cio ciatariĩ, o na ta ũrĩa marĩĩtwa mao othe arĩa maakinyĩtie mĩaka mĩrongo ĩĩrĩ, na magakĩria hau, maatwaranĩte, naguo ũguo nĩ ta kuuga andũ othe arĩa maahotaga kuumagara mathiĩ ita-inĩ;
• 43. arĩa maatarirũo thĩinĩ wa mũhĩrĩga ũcio wa Nafitali-rĩ, maarĩ ngiri mĩrongo ĩtano na ithatũ, na magana mana.
• 44. Acio nĩo andũ arĩa maatarirũo, o arĩa Musa na Haruni maatarire me hamwe na anene a andũ a Isiraeli ikũmi na erĩ; nao acio ĩkũmi na erĩ, mũndũ o mũndũ aathurĩtwo arũgamĩrĩre nyũmba ya ithe.
• 45. Tondũ ũcio andũ othe arĩa maatarirũo thĩinĩ wa ciana cia Isiraeli, o ta ũrĩa nyũmba cia maithe mao ciatariĩ, arĩa maakinyĩtie mĩaka mĩrongo ĩĩrĩ o na magakĩria hau, naguo ũguo nĩ ta kuuga andũ othe a Isiraeli arĩa maahotaga kuumagara mathiĩ ita-inĩ,
• 46. acio othe maatarirũo-rĩ, maarĩ ngiri magana matandatũ na ithatũ, na magana matano ma mĩrongo ĩtano.
• 47. No rĩrĩ, Alawii o ta ũrĩa mũhĩrĩga wa maithe mao watariĩ, matiataranĩirio nao.
• 48. Nĩ gũkorũo Jehova nĩaarĩirie Musa, akĩmwĩra atĩrĩ,
• 49. No mũhĩrĩga wa Lawii wiki ũtegũrara, o na kana ũtuĩrie ũrĩa andũ aguo maigana thĩinĩ wa ciana cia Isiraeli;
• 50. no Alawii acio ũkũmatua a kũroraga gĩikaro kĩa ũira magĩikarie kĩo kĩene, o na indo ciothe iria ciĩkĩrĩtwo kuo, o na indo iria ingĩ ciothe ciakĩo; nao nĩo megũtuĩka akuui a gĩikaro kĩu, o na indo ciothe iria irĩ kuo, na ningĩ nĩo marĩrutaga wĩra wa gũtungatĩra Jehova kũu thĩinĩ wakĩo, na no-o marĩambaga hema ciao megiritanĩtie na gĩikaro kĩu mĩena yothe.
• 51. Na rĩrĩ, hĩndĩ ĩrĩa gĩikaro kĩu gĩgũtwarũo na mbere, Alawii acio nĩo marĩgĩakũraga, ningĩ hĩndĩ ĩrĩa gĩikaro kĩu gĩkũhandwo, Alawii acio nĩo marĩgĩakaga; na rĩrĩ, mũndũ wa mũhĩrĩga ũngĩ angĩgagĩkuhĩhĩria, nĩ kũũragwo akoragwo.
• 52. Nacio ciana cia Isiraeli ikĩamba hema ciacio-rĩ, mũndũ o mũndũ aambage hema yake harĩa hathurĩtwo nĩ andũ ao, o kĩbebero-inĩ kĩao, o ta ũrĩa mbũtũ ciao ciikarĩte.
• 53. No rĩrĩ; Alawii makaambaga hema ciao megiritanĩtie na gĩikaro kĩu kĩa ũira mĩena-inĩ yothe, nĩ getha hatikagĩe ũndũ wa gũtũma marakara ma Jehova maikũrũke makinye kĩrĩndĩ-inĩ gĩa ciana cia Isiraeli nao Alawii matũũre maikaragia wega gĩikaro kĩu kĩa ũira.
• 54. Ũguo noguo ciana cia Isiraeli ciekire; o ta ũrĩa maũndũ mothe maatariĩ marĩa Musa aathĩtwo nĩ Jehova mekwo, ũguo noguo ciekire.

Home