Go Back

Hosea Chapter 9

• 1. Tiga gũkena, wee Isiraeli, ũgĩkũngũyagĩra ta andũ a ndũrĩrĩ, tondũ nĩwĩtiganĩirie na Ngai waku, ũkarũmagĩrĩra ũmaraya, ũkĩendaga gũcaria mũcara wa ũmaraya kĩhuhĩro-inĩ o gĩothe.
• 2. Kĩhuhĩro kĩa ngano-rĩ, na kĩhihĩro kĩa ndibei itikamonera irio, o nayo ndibei ya mũhihano nĩĩkamũũrĩra.
• 3. Nao matigatũũra bũrũri wa Jehova; no rĩrĩ, Efiraimu nĩmagacoka Misiri, na marĩage irio iria ii na thahu kũu Ashuri.
• 4. Ningĩ-rĩ, matigaitangagĩra Jehova magongona ma ndibei, kana mamũkenagie. Magongona macio mao-rĩ, magatuĩka ta irio cia arĩa mekũrĩrĩra mũndũ mũkuũ; nao andũ othe arĩa magacirĩa nĩmakagwatwo nĩ thahu; amu irio icio ciao igatuĩka o cia nda ciao, itirĩ hingo igatonya nyũmba ya Jehova.
• 5. Kaĩ mũgeka atĩa mũthenya ũrĩa mwamũre wa gĩathĩ, na mũthenya wa iruga rĩa Jehova?
• 6. Nĩ ũndũ-rĩ, o na maatuĩka atĩ nĩmathiĩte makeherera ũhoro wa kũninanwo-rĩ, aa Misiri nĩo makamongania; aa Memufisi nĩo magakĩmathika; nacio indo ciao thaka cia betha nĩ thabai ũgacihumba; o na mĩigua nĩĩkamera o hema ciao thĩinĩ.
• 7. Matukũ ma kũherithio nĩmakinyĩte, namo matukũ ma kũrĩhania nĩ moku. Isiraeli nĩarĩmenya ũguo. Anga mũnabii nĩ mũkĩgu, nake mũndũ ũrĩa wĩ na roho nĩ mũgũrũki? nĩ tondũ wa ũingĩ wa waganu waku, na tondũ ũthũ nĩ mũnene.
• 8. Efiraimu-rĩ, aarĩ mũrangĩri hamwe na Ngai wakwa; no ha ũhoro wa mũnabii-rĩ, njĩra ciake ciothe ihaana ta gĩkerenge kĩa mũtegi, o na thĩinĩ wa nyũmba ya Ngai wake no ũthũ kũrĩ.
• 9. Nĩmethũkĩtie mũno, o ta ũrĩa mekire matukũ-inĩ ma Gibea; nĩkĩo agakĩririkana waganu wao, na amaherithie nĩ ũndũ wa mehia mao.
• 10. Rĩu-rĩ, nĩndakorire Isiraeli atariĩ ta thabibu irĩ werũ-inĩ, ngĩona maithe manyu mahaana ta ngũyũ iria ciambaga kwĩrua mũkũyũ ũkĩrigithatha; no-rĩ, nĩ gũũka mokire Baali-peoru, na makĩĩyamũrĩra kĩndũ kĩa waga-thoni, o na magĩgĩtuĩka amaramaru ta kĩndũ kĩu mendaga.
• 11. Naho ha ũhoro wa Efiraimu, riri wao nĩũgakĩũmbũka ta nyoni, ũũre; na ũhoro wa gũciara nĩũkaaga, o na haage ũrĩa ũrĩ ihu, o na kana ũhoro wa kũrĩgwata.
• 12. O na mangĩrera twana twao-rĩ, nĩngamatunya tuo, nĩ getha hatigatigwo mũndũ wao o na ũmwe; ti-itherũ nĩ haaro makona rĩrĩa ngethiĩra ndĩmatige!
• 13. Ũhoro wa Efiraimu ũtariĩ ta ũrĩa nyonete Turo, akahandwo handũ hathakaru; no rĩrĩ, mũũragani nĩwe Efiraimu akarutĩra ciana ciake.
• 14. Mahe, wee Jehova-kaĩ nĩ kĩ ũngĩmahe? Kĩmahe rĩrĩ, nda iria ihunaga o na nyondo itarĩ iria.
• 15. Waganu wao wothe-rĩ, ũrĩ o kũu Giligali; amu kũu nĩkuo ndamameneire. Atĩrĩrĩ, tondũ wa ũmaramari wa ciĩko ciao-rĩ, nĩngamarutũrũra moime nyũmba yakwa, na ndigacoka kũmenda rĩngĩ o na rĩ. Anene ao othe nĩ ndũrĩka.
• 16. Efiraimu makĩrĩ ahũre, naguo mũri wao ũkoma biũ, na matigacoka gũciara maciaro. Ĩĩ, ti-itherũ, o na mangĩciara-rĩ, no ngoraga maciaro marĩa mende ma nda ciao.
• 17. Ngai wakwa nĩakamate haraya tondũ matiamũiguaga; nao magĩtuĩke orũri ndũrĩrĩ-inĩ.

Home