Go Back

Jeremia Chapter 47

• 1. ĨNO NĨYO ndũmĩrĩri ya Jehova ĩrĩa yakinyĩrĩire Jeremia, ũcio mũnabii, ikoniĩ Afilisiti, o mbere Firauni ataanahũra Gaza.
• 2. Jehova ekuuga ũũ: Atĩrĩrĩ, he kĩguũ kĩa maĩ kĩroima na kũu mwena wa gathigathini, nakĩo gĩgatuĩka rũũĩ rũiyũru mũno, rũcoke ruune na ndwere ciothe rũthike thĩ, o na kĩrĩa gĩothe kĩrĩ kuo, na rũthike itũũra rĩanyu, o na andũ arĩa marĩtũũraga; nao andũ nĩmakaanĩrĩra, nao arĩa othe matũũraga bũrũri wanyu marĩre makĩanũkaga.
• 3. Tondũ wa mũrurumo wa mũkinyo wa mahũngũ ma mbarathi ciake, o na ũndũ wa mũguthũkĩre wa ngari ciake cia ita, na mũrurumo wa magũrũ ma cio-rĩ, maithe ma ciana matingĩikia riitho na thutha marore ciana ciao, nĩ ũndũ wa ũrĩa moko mao morĩtwo nĩ hinya;
• 4. tondũ ihinda nĩ ikinyu rĩrĩa Afilisti othe magatahwo, na ateithia othe arĩa matigarĩte Turo na Zidoni mang’ũrio; nĩ ũndũ Jehova nĩagataha Afilisiti, o ro andũ arĩa matigarĩte hũgũrũrũ-inĩ cia iria rĩrĩa inene kũu Kafitori.
• 5. Andũ a Gaza nĩmetuĩte ihara, nakuo kũu Ashikeloni gũgakirio ngiria, o kũu gũtigarĩte andũ gĩtuamba-inĩ gĩakuo; mũgũtũũra mwĩtemengaga nginya hĩndĩ ĩ?
• 6. Atĩrĩrĩ, wee rũhiũ rũa njora rũa Jehova, ũgũikara ũtakirĩrĩirie nginya hĩndĩ ĩ? Wĩcokie njora-inĩ yaku, ũhurũke na ũkire o ro ũguo.
• 7. Wakĩhota atĩa gũkirĩrĩria, kuona atĩ Jehova nĩagwathĩte ũũkanĩrĩre o nginya Ashikeloni, na hũgũrũrũ-inĩ cia iria? Tondũ kũu nĩkuo atuĩte rũkinye.

Home