Go Back

Jeremia Chapter 45

• 1. ŨYŨ NĨGUO ũhoro ũrĩa Jeremia, mũnabii, aarĩirie Baruku wa Neria, hĩndĩ ĩrĩa aakorirũo aandĩkĩte mohoro marĩa aaheagwo nĩ Jeremia ibuku-inĩ, mwaka wa ĩna ĩrĩa Jehoiakimu, mũrũ wa Josia, mũthamaki wa Juda, aakorirũo athamakĩte, akiuga atĩrĩ,
• 2. Jehova, Ngai wa Isiraeli, egũkwĩra, wee Baruku, ũũ:
• 3. Wee nĩ kuuga woigire atĩrĩ, Wũi-ĩiya-wakwa-ĩ! Amu Jehova nĩongereire kĩeha kĩngĩ harĩ ruo rũrĩa ndũire naruo; ndĩ mũnogie nĩ mũcayo wakwa, na ndionaga ũhurũko.
• 4. Ningĩ ũkĩmwĩre atĩrĩ, Jehova ekuuga ũũ: Atĩrĩrĩ, nyũmba ĩrĩa njakĩte nĩngamĩtharia ndĩmĩgũithie thĩ, o nakĩo kĩrĩa ’handĩte nĩngakĩmunya; namo maũndũ macio magekwo bũrũri ũyũ wothe.
• 5. Ningĩ-rĩ, anga nĩwĩcaragĩria maũndũ manene hihi? Tiga kũmacaria, nĩ ũndũ atĩrĩ, nĩngarehithĩrie andũ othe ũũru; ũguo nĩguo Jehova ekuuga. No rĩrĩ, wee ngũgũtũũria muoyo ta arĩ gwĩtaha wĩtahĩte harĩ gĩkuũ, nĩguo ũtũũre muoyo kũndũ o guothe kũrĩa ũrĩthiaga.

Home