Go Back

Jeremia Chapter 20

• 1. Na rĩrĩ, Pashuri, mũrũ wa Imeri, ũrĩa mũthĩnjĩri-Ngai, o ũcio warĩ mũnene gũkĩra arĩa angĩ ũrori-inĩ wa wĩra wa nyũmba ya Jehova, nĩaaiguire Jeremia akĩratha mohoro macio.
• 2. Nake Pashuri agĩkĩhũrithia Jeremia ũcio mũnabii, akĩmuohererithia magũrũ ndungu iria ciarĩ kĩhingo-inĩ kĩa rũgongo igũrũ kĩa Benjamini, o kĩu kĩa nyũmba ya Jehova.
• 3. Na gũgĩkinya atĩrĩ, atĩ rũciũ rũrũ rũngĩ, Pashuri ohorithia Jeremia ndungu icio, Jeremia agĩkĩmwĩra atĩrĩ, Rĩĩtwa rĩrĩa Jehova agũtuĩte ti Pashuri, no nĩ Magori-misabibu.
• 4. Nĩ ũndũ Jehova ekuuga ũũ: Atĩrĩrĩ, nĩngũtũana ũtuĩke ta ũndũ wa kwĩguoyohia wee mwene, o na wa kũguoyohia arata aku othe; makagũa moragĩtwo nĩ thũ ciao, o ũkĩĩonagĩra ũndũ ũcio na maitho maku wee mwene; nao andũ othe a Juda nĩngamaneana moko-inĩ ma mũthamaki wa Babuloni, nake amarindũre amatwarithie Babuloni marĩ atahe, amoragithĩrie kuo na rũhiũ rũa njora.
• 5. O na ningĩ atĩrĩ, ũtonga wothe wa itũũra rĩrĩ, o na indo ciothe iria cionekaga kuo, o na indo ciakuo ciothe iria cia goro, o gwata indo ciothe cia bata cia athamaki a Juda-rĩ, nĩcio nganeana moko-inĩ ma thũ ciao, nacio icitahe icitware Babuloni.
• 6. Wee rawe Pashuri, mwĩ na andũ othe arĩa matũũraga gwaku mũciĩ, nĩmũkarindũrũo; nawe ũtwarũo ũkinyio Babuloni, nakuo kũu nokuo ũgakuĩra, na nokuo ũgathikwo, wee mwene, o na arata aku othe arĩa ũtũire ũrathagĩra mohoro ma maheni.
• 7. Atĩrĩrĩ, wee Jehova, nĩ kũgucia wangucĩrĩirie, na niĩ ngĩgucĩrĩrĩka, ũgĩkĩngĩria hinya ũkĩ’hoota; ndindaga ngĩthekererũo, nao andũ othe makangenerera.
• 8. Amu rĩrĩa rĩothe ngwaria, nĩ kũgũũthũka ngũũthũkaga ngoiga ũũ: Ũhoro ũrĩa wĩ kuo no wa uhinya na ndahano; nĩ gũkorũo nduĩtwo kĩmene nĩ ũndũ wa ndũmĩrĩri cia Jehova, na ngatinda ngĩthekererũo.
• 9. Na ingiuga atĩ ndikamũgweta, o na kana njoke kwaria ngĩgwetaga rĩĩtwa rĩake-rĩ, ngoro-inĩ yakwa thĩinĩ gũgũikara ta kwĩ mwaki ũkũmĩcina, o ta arĩ mwaki ũhingĩirũo mahĩndĩ-inĩ makwa thĩinĩ; na ndĩ mũnogie nĩ gũkirĩrĩria, o na ngaremwo nĩ kwĩgirĩrĩria.
• 10. Nĩ ũndũ nĩnjiguĩte gĩcambanio kĩa andũ aingĩ, narĩo itua-nda rĩkoima na ndwere ciothe. Andũ arĩa othe tũũyaine nao, o acio metagĩrĩra maigue ngĩhĩngĩcania mĩario, mekuuga atĩrĩ, Nĩacukanĩrĩrũo, o na ithuĩ tũmũcukanĩrĩre; na hihi nĩekũheeneka, tũmũhoote, twĩrĩhĩrie harĩ we.
• 11. No rĩrĩ, Jehova arĩ hamwe na niĩ atuĩkĩte o ta njamba ya kũmakania; na tondũ ũcio andũ arĩa ma’nyariraga nĩ kũhĩngwo makahĩngithio, na matikahootana; nĩ gũconoka magaconoka mũno mũno, nĩ ũndũ matiĩkĩte maũndũ marĩ na ũũgĩ, na matũũre magĩĩte ũcuke ũrĩa ũtagacoka kũriganĩra o na rĩ.
• 12. No rĩrĩ, wee Jehova Mũnene wa Ita, o wee ũtuĩragia andũ arĩa athingu, na ũkoiruria maũndũ marĩa mahithe meciria-inĩ, o na ngoro thĩinĩ, ta reka nyone kwĩrĩhĩria kũrĩa ũkwĩrĩhĩria harĩ o, nĩ ũndũ wee nĩwe nyumbũrĩire ũhoro wakwa wothe.
• 13. Inĩrai Jehova, gathagai Jehova, nĩ gũkorũo nĩahonoketie mũndũ ũrĩa mũkĩa akamũruta guoko-inĩ gwa eki naĩ.
• 14. Kũgwatwo nĩ kĩrumi-rĩ, nĩ mũthenya ũrĩa ndaciarirũo, naguo mũthenya ũrĩa maitũ aanjiarire ũroaga gũkanarathimwo.
• 15. Kũgwatwo nĩ kĩrumi-rĩ, nĩ mũndũ ũrĩa wareheire baba ũhoro akĩmwĩra ũũ: Nĩũciarĩirũo mwana wa kahĩĩ, agĩgĩtũma akene mũno.
• 16. Mũndũ ũcio-rĩ, arotuĩka o ta matũũra marĩa Jehova aang’aũranithirie na ndacoke kwĩricũkwo; ningĩ arotũũra aiguaga mũkayo rũcinĩ, o na gũkiugagwo mbu mĩaraho,
• 17. nĩ ũndũ ndaigana kũnjũraga ndĩ o nda ya maitũ, nĩguo maitũ atuĩke o ta arĩ we mbĩrĩra yakwa, atũũre arĩ o na ihu rĩakwa.
• 18. Rĩu-rĩ, ndakiumire nda ya maitũ ndũũre na mĩtangĩko o na kĩeha nĩ ũndũ kĩ, o namo matukũ makwa makaya gũthira o ngĩconorithagio?

Home