Go Back

Isaia Chapter 39

• 1. Na rĩrĩ, hĩndĩ ĩo Berodaku-baladani, mũrũ wa Baladani, mũthamaki wa Babuloni, agĩtwarithĩria Hezekia marũa, o na kĩheo; nĩ ũndũ nĩaaiguĩte atĩ ararĩ mũrũaru na nĩ mũhonu.
• 2. Nake Hezekia agĩkenera andũ acio, agĩkĩmonia nyũmba yake ĩrĩa indo ciake cia goro ciaigagwo, nacio nĩ betha, na thahabu, o na mahuti marĩa manungaga wega, o na maguta ma goro, o na nyũmba ĩrĩa indo ciake cia mbaara ciaigagwo, o na indo ciothe iria ciarĩ mũthithũ-inĩ wa indo ciake cia bata; na gũtirĩ kĩndũ o na kĩ thĩinĩ wa nyũmba yake, o na kũndũ guothe kũrĩa aathanaga, Hezekia ataigana kũmonia.
• 3. Hĩndĩ ĩo Isaia, ũcio mũnabii, agĩgĩthiĩ agĩkinya he Hezekia, mũthamaki, akĩmũũria atĩrĩ, Andũ acio moigire atĩa? Nao magĩũka kũrĩ we-rĩ, mekuumĩte na kũ? Nake Hezekia akiuga atĩrĩ, Magĩũka kũrĩ niĩ-rĩ, mekuumĩte bũrũri wĩ kũraya, o bũrũri wa Babuloni.
• 4. Agĩkĩũria atĩrĩ, Nĩ kĩ monire gwaku mũciĩ? Nake Hezekia agĩcokia atĩrĩ, Indo ciothe iria ii gwakwa nĩmacionire; o nacio indo ciakwa ciothe cia bata-rĩ, hatirĩ kĩndũ o na kĩmwe itanamonia.
• 5. Nake Isaia akĩĩra Hezekia atĩrĩ, Ta igua uuge wa Jehova Mũnene wa Ita.
• 6. Atĩrĩrĩ, matukũ nĩmagoka rĩrĩa indo ciothe iria irĩ gwaku mũciĩ, o na indo iria mathoguo maatũire mahaĩte magaciiga o nginya ũmũthĩ, igakuuwo itwarũo Babuloni. Gũtirĩ kĩndũ o na kĩmwe gĩgatigio; ũguo nĩguo Jehova oigĩte.
• 7. Nacio ihĩĩ ciaku iria ũgaciara ciume mũthimo waku, nĩmagataha imwe ciacio igatũũre nyũmba ya mũthamaki wa Babuloni irĩ cia thiritũ ya andũ arĩa mehokeirũo wĩra wa nyũmba yake.
• 8. Hĩndĩ ĩo Hezekia agĩkĩĩra Isaia atĩrĩ, Uuge wa Jehova ũcio waaria nĩ mwega. Tondũ eĩraga na ngoro atĩrĩ, No gũkorũo matukũ-inĩ makwa nĩgũgũtũũra gwĩ thayũ na ũhoro-wa-ma.

Home