Go Back

Rũĩmbo rũa Suleimani Chapter 7

• 1. Ĩ kaĩ tũgũrũ twaku nĩ tũthaka twĩ na nyamũga, mwarĩ ũyũ wa mũnene-ĩ! ciero ciaku nĩ thakaru nacio ikwagĩrĩire ta mathaga, marĩa mathondeke nĩ moko ma mũndũ ũrĩa njorua.
• 2. Mũkonyo waku nĩ mũhaanano wa kamee karĩ gĩthiũrũrĩ o wega, na gatangĩtingiara ndibei ningĩrĩrie: nda yaku nayo ĩhaana ta kĩhumbu kĩa ngano ngonyore gĩthiũrũrũkĩirio na mahũa.
• 3. Nyondo icio ciaku cierĩ ihuanaine na ciana igĩrĩ cia thiya, cia mahatha.
• 4. Ngingo yaku ĩtariĩ ta nyũmba ĩrĩa njake mũthiringo na ĩkagemio na mĩguongo, namo maitho maku no ta maria marĩa marĩ Heshiboni, kĩhingo-inĩ kĩa Bathi-rabimu; iniũrũ rĩaku narĩo rĩhuana gĩcũĩro kĩrĩa kĩrĩ Lebanoni, kĩrĩa kĩerekeire na mwena wa Dameski.
• 5. Mũtwe waku, o ũguo ũgũikarĩire, ũhuana ta kĩrĩma gĩa Karimeli, nacio njuĩrĩ ciaku cia mũtwe ciirĩte o ta rangi wa zambarau; mũthamaki-rĩ, agaikara ta ohetwo tũmĩcuha-inĩ twacio.
• 6. (Ĩ kĩendano-ĩ, wee kaĩ nowe mũthaka na mwendeku makĩria harĩ maũndũ marĩa makenanagia-ĩ!)
• 7. Kĩrũgamo gĩaku-rĩ, gĩtariĩ ta mũkĩndũ kũrũngara, nacio nyondo ciaku ikahaana ta tũmanja twa thabibu.
• 8. Njugĩte atĩrĩ, Nĩ kũhaica ngũhaica mũkĩndũ ũyũ, ngĩe o kuo igũrũ; nĩngwĩnyitĩrĩra makĩndũ maguo: nyondo ciaku ta nĩituĩke ta tũmanja twa thabibu, nayo mĩheehũ yaku ĩkĩnunge wega ta macungwa;
• 9. Kanua gaku nako gatuĩke ta ndibei, o ĩrĩa njega mũno, ĩrĩa ikũmerũka wega nĩ ũndũ wa mwendwa wakwa, ĩkĩnyorokaga gatagatĩ-inĩ ka mĩromo ya arĩa me toro.
• 10. Niĩ-rĩ, ndĩ o wa mwendwa wakwa, nake nĩ niĩ eriragĩria.
• 11. Ũka, mwendwa wakwa, tuumagare tũthiĩ mĩgũnda-inĩ; nĩtũkaraarĩrĩre mĩciĩ-inĩ.
• 12. Nĩtũroke tene gũkinya mĩgũnda-inĩ ya mĩthabibu; tuone kana mũthabibu nĩũthundũrĩte, na kĩro kĩaguo gĩgacanũka, na kana mĩkomamanga nayo nĩ mĩrutu kĩro: nĩkuo ngakũheera mĩendere yakwa.
• 13. Nĩ hĩndĩ tũtunda tũrĩa twĩtagwo ndunguiya tũratararĩka, na mĩrango-inĩ gwitũ kwĩ na matunda mĩthemba yothe ĩrĩa mĩega mũno, mamwe ma mũgethano na mangĩ maikaru, marĩa ngũigĩire, wee mwendwa wakwa.

Home