Go Back

Thimo Chapter 28

• 1. ARĨA aaganu moraga o na gũtarĩ mũndũ ũramathingata, no andũ arĩa athingu momagĩrĩria ta ngatia.
• 2. Bũrũri, tondũ wa mehia maguo, nĩũgiaga na anene aingĩ, ĩndĩ, tondũ wa gũteithio nĩ andũ arĩa ataũku, o arĩa me na ũmenyi, no ũtũũre ũkindĩirie.
• 3. Mũbatari mũhinyĩrĩria andũ arĩa ahũthũ no ta mbura ĩrĩ rũhuho ĩtatigagia irio.
• 4. Andũ matiganĩte na kĩrĩra nĩmagathagĩrĩria arĩa aaganu, ĩndĩ arĩa amenyereri kĩrĩra nĩmagariũranaga nao.
• 5. Andũ arĩa oru matiiguaga gĩtũmi kĩa maũndũ ma kĩhooto, no andũ arĩa marongoragia Jehova nĩmataũkagĩrũo nĩmo mothe.
• 6. Kaba ngĩa ĩthiaga na mĩthiĩre yayo mĩgima kũrĩ ũrĩa wa mĩthiĩre mĩhotomu, o na angĩtuĩka nĩ gĩtonga.
• 7. Ũrĩa ũrũmagia kĩrĩra nĩ mwana mũtaũku, ĩndĩ ũrĩa wa thiritũ na andũ arĩa irĩi nĩ gũconorithia aconorithagia ithe.
• 8. Mũndũ wongererithagia ũmathi wake nĩ kuohoranĩra mbia agĩĩtagia nyongeri nĩguo one uumithio, nĩ kũũngania onganagia cia gũthiĩ na ũrĩa ũiguagĩra arĩa ahũthũ tha.
• 9. Mũndũ ũhũgũraga gũtũ ndakaigue kĩrĩra, gwata mahoya make nĩ kĩndũ kĩrĩ magigi.
• 10. Mũhĩtithia arĩa arũngĩrĩru nĩguo magere njĩra ya ũũru-rĩ, we mwene nĩakagũa irima o rĩu enjanĩire, no andũ arĩa akĩnyanĩru, wega nĩguo ũgatuĩka igai rĩao.
• 11. Mũndũ mũtongu nĩwe mũũgĩ, we akĩĩona, ĩndĩ mũndũ mũkĩa, ũrĩa mũtaũku, no kũmuururia.
• 12. Rĩrĩa arĩa athingu maarũhia, nĩ mwago mũnene kũrĩ, no arĩa aaganu, o, maatũũgĩra, andũ nĩmehithaga.
• 13. Ũrĩa ũrindagĩrĩra mehia make ndangĩgaacĩra, ĩndĩ ũrĩa ũmoimbũraga, agatigana namo, we nĩarĩiguagĩrũo tha.
• 14. Mũndũ ũikaraga na wĩtigĩri hingo ciothe, nĩwe wa gũkena, no ũrĩa wĩũmagia ngoro nĩ kũgũa agũaga ũũru-inĩ.
• 15. Mwathi kĩrĩndĩ kĩa andũ ahũthũ, ũrĩa wĩ mũmaramari, no ta mũrũthi ũkĩrarama, kana ta nduba ĩgĩcuracurĩka.
• 16. Mũnene ũtarĩ na ũtaũku-rĩ, o na kũhinyanĩrĩria nĩ mũhinyanĩrĩria mũno, ĩndĩ ũrĩa ũthũire ũhahami agatũũra matukũ maingĩ.
• 17. Mũndũ mũritũhĩre nĩ thakame ya mũndũ oragĩte nĩ mũũri wĩerekeirie o irima-inĩ; mũndũ nĩatige kũmũgirĩrĩria.
• 18. Mũthii na mĩthiĩre mĩkinyanĩru nĩ kũhonokio arĩhonokagio, no mũndũ ũhotomagia mĩthiĩre yake nĩ kũgũa akagũa o hubu!
• 19. Mwĩrĩmĩri mũgũnda arĩtũũraga na hũni, no mũrũmanĩrĩri na mbũrũrũ arĩhũnaga ũnyamari.
• 20. Mũndũ mwĩhokeku arĩtũũraga e mũrathime mũno, no mũndũ wa kũhiũhũkĩra gwĩtongia nĩ ngero arĩgeraga.
• 21. Gũtĩĩra andũ maũthĩ nĩ ũndũ ũtarĩ mwega, o na kana mũndũ ehie nĩ ũndũ wa kenyũ ka irio.
• 22. Mũndũ wa riitho iraya ahiũhanagia na ũtonga, na ndakoragwo oĩ atĩ nĩ ũnyamari ũkamũkorerera.
• 23. Mũndũ wa kũrũithia ũngĩ agatuĩka wa kwendwo nĩwe thutha gũkĩra ũrĩa ũmwanjanjaga na rũrĩmĩ rũnyoroku.
• 24. Mũndũ wa gũtunya ithe kana nyina kĩndũ kĩao, na oige, Ti kwĩhia ndehia, we-rĩ, nĩ wa thiritũ na mwanangi.
• 25. Mũndũ wa ngoro hahami nĩ mũthombothi mahiũrania, no mũndũ mwĩhoki Jehova nĩ kwaramio akaaramio.
• 26. Ũrĩa wĩhokaga ngoro yake mwene nĩ kĩrimũ, no ũrĩa wĩtwaraga na ũũgĩ-ũrĩa-wa-ma nĩarĩhatũragwo.
• 27. Ũrĩa ũheaga ngĩa, we ndakagĩa na wagi, no ũrĩa ũcimunagĩria maitho nĩ kaingĩ arĩgekagwo.
• 28. Arĩa aaganu maatũũgĩra, andũ nĩ kwĩhitha mehithaga, no rĩrĩa marathira, arĩa athingu nĩmathegeaga.

Home