Go Back

Thimo Chapter 11

• 1. Ratiri ya kũhenania nĩ kĩndũ kĩĩ magigi harĩ Jehova, ĩndĩ ihiga rĩa gũthima, rĩrĩa rĩa ũigananu, nĩ kũrĩkenera arĩkenagĩra.
• 2. Gwoka mwĩgerero, norĩo gũũkaga njono, ĩndĩ ũũgĩ wĩ na arĩa mateĩkĩrĩire.
• 3. Andũ arĩa arũngĩrĩru, wĩkindĩru wao nĩ kuonia ũmonagĩrĩria njĩra, ĩndĩ arĩa mĩgarũka, ũhong’oku wao nĩ wa kũmaninithia.
• 4. Ũtonga ndũrĩ kũguna ũngĩgunana mũthĩ ũrĩa wa matũkũya, no ũthingu nĩũteithũraga mũndũ harĩ gĩkuũ.
• 5. Mũndũ ũrĩa mũkinyanĩru, ũthingu wake nĩũmũrũngagĩra njĩra, no ũrĩa mwaganu, waganu wake mwene nĩguo ũkamũgũithia.
• 6. Ũthingu wa arĩa arũngĩrĩru nĩ kũmateithũra ũrĩmateithũraga, no andũ arĩa matuĩkaga mĩgarũka nĩ kũgwatio makagwatio nĩ ũthũkia ũcio wao.
• 7. Mũndũ mwaganu aakua, kĩĩrĩgĩrĩro gĩake nĩ gũtoma gĩtomaga; itanya rĩa acio eki waganu no gũthira rĩthiraga.
• 8. Ũrĩa mũthingu nĩatharagwo mĩnyamaro-inĩ, ũrĩa mwaganu agoka ho ithenya rĩake.
• 9. Mũndũ ũtatĩĩte Ngai aaninithia mũndũ wa itũũra rĩao na kanua, ĩndĩ andũ arĩa athingu nĩmetharaga nĩ ũrĩa me na ũmenyi.
• 10. Rĩrĩa arĩa athingu maragaacĩra, itũũra nĩ gũkena rĩkenaga, na rĩrĩa arĩa aaganu marathira, nĩ kũrũhio kũrũhagio.
• 11. Tondũ wa kĩrathimo kĩa andũ arĩa athingu, itũũra nĩ gũtũũgĩrio rĩtũũgĩragio, no kanua ka andũ arĩa aaganu nĩ kũrĩng’aũrania karĩng’aũranagia.
• 12. Mũndũ kũrurũka ũrĩa ũngĩ nĩ wĩcirio atarĩ, no mũndũ mũtaũku nĩ gũkira ekiragĩra.
• 13. Mũcangi na ndeto cia mũhuhu nĩatuhũraga maũndũ ma ndundu, ĩndĩ mũndũ wa ngoro njĩhokeku nĩ gũkira akiraga namo.
• 14. Kũndũ gũtarĩ mĩtabarĩre mĩega, kĩrĩndĩ kĩa bũrũri nĩ kũgũa kĩgũaga, no kũrĩa kwĩ aheani aingĩ a kĩrĩra gũtũũraga kwĩgangarĩte.
• 15. Ũrĩa ũtuĩkĩte ithenya rĩa mũndũ mũgeni no agatuurũo, ĩndĩ ũrĩa ũregaga gũtuĩka ithenya rĩa mũndũ mũgeni, ũcio egũtũũra na wĩhoko.
• 16. Mũtumia ũrĩa wĩ ngoga agĩaga na gĩtĩo, anyarirani nao, kĩrĩa magĩaga nakĩo no ũtonga.
• 17. Mũiguanĩri-tha nĩ mwĩĩki wega ngoro yake mwene, ĩndĩ mwagi-tha nĩ mwĩrĩ wake mwene anyamaragia.
• 18. Mũndũ mwaganu, ũtungati ũrĩa agwataga no wa kũmũhenia, no mũndũ ũhandaga ũthingu, mehotoro make nĩ mehokeku.
• 19. Ũrĩa ũrũmainie na ũthingu, we nĩagakinyĩrĩra muoyo, nake mũthingatani na ũũru nĩ gũkua gwake mwene athĩĩgĩtie.
• 20. Arĩa a ngoro hotomu nĩ kĩndũ kĩĩ magigi harĩ Jehova, no andũ a mĩthiĩre mĩkinyanĩru nĩ gũkena akenaga nĩo.
• 21. Ona kwanyitanwo moko, mũndũ ũrĩa mũũru ndatũũra atarĩ mũherithie, ĩndĩ rũruka rũa arĩa athingu nĩ kũhatũrũo rũkahatũrũo.
• 22. Gĩcũhĩ gĩa thahabu kĩĩ iniũrũ rĩa ngũrũe: nĩ taguo mũka mũthaka atariĩ ũtarĩ ũgerereri.
• 23. Wega noguo mwĩrirĩrio wa mũndũ mũthingu, ĩndĩ kĩĩrĩgĩrĩro kĩa ũrĩa mwaganu no matũkũya.
• 24. Kũrĩ ũitangaga, na akongererekaga makĩria, na kũrĩ ũthunaga gũkĩra kwagĩra, na no gũthĩna athĩnaga.
• 25. Wa ngoro ngamini nĩ kũnorio arĩnoragio, na ũrĩa ũkundanagia maĩ, we nake no arĩkundagio.
• 26. Mũrega na mbembe aigĩte, nĩarĩgekagwo nĩ kĩrĩndĩ, ĩndĩ ũrĩa ũciendagia, nĩ kĩrathimo kĩrĩmũikaraga mũtwe-inĩ.
• 27. Ũrĩa ũcaragĩrĩria o maũndũ mega, nĩ ũtugi aremathĩra, ĩndĩ ũrĩa ũrongoragia marĩa moru, nomo marĩmũkora.
• 28. Mwĩhoki ũtonga wake nĩ kũgũa akagũa, no andũ arĩa athingu nĩ kũgaacĩra marĩgaacagĩra ta ithangũ rĩrĩa iruru.
• 29. Mũnyamaria mũciĩ wake, kĩrĩa akagwata no rũhuho; kĩrimũ kĩũra-matũ gĩgatuĩka njaguti ya ũrĩa ũrĩ ũũgĩ wa ngoro.
• 30. Maciaro ma andũ arĩa athingu matuĩkaga mũtĩ wa muoyo; mũndũ wĩ na ũũgĩ-ũrĩa-wa-ma nĩatahaga ngoro cia andũ.
• 31. Rĩrĩi! Andũ arĩa athingu makĩrĩ a kũherithio me gũkũ thĩ-rĩ, makĩria githĩ ti arĩa aaganu, o acio mahĩtagia?

Home