Go Back

Thaburi Chapter 97

• 1. NĨ HĨNDĨ Jehova agwatĩte gũthamaka; thĩ ta nĩĩcanjamũke; mabũrũri marĩa ma iria-inĩ o namo nĩmagĩkene o ũguo maingĩhĩte.
• 2. Matu o na nduma nĩcio imũthiũrũrũkĩirie; gĩtĩ gĩake kĩa ũnene, gĩtina kĩrĩa gĩikarĩire, nĩ ũthingu o na kĩhooto.
• 3. Kwĩ mwaki ũmũthiaga mbere, ũkĩrĩrĩmbũraga a-muku ake na mĩena yothe.
• 4. Heni ciake nĩciamũrĩkire mabũrũri, thĩ ikĩona, ĩgĩkĩinaina.
• 5. Ithuri nĩciaringũkire o ta mũhũra mbere ya Jehova, mbere-inĩ ya Mwathani ũrĩa wathaga thĩ yothe.
• 6. Igũrũ nĩrĩraanĩrĩra ũthingu wake, riri wake nĩ muoneku nĩ irĩndĩ ciothe cia thĩ.
• 7. Arĩa othe matungatagĩra mĩhianano mĩacũhie-rĩ, gũconoka nĩmaconoke, o acio merahagĩra indo ta icio cia tũhũ: inyuĩ ngai ici-rĩ, mũinamĩrĩrei we, inyuothe.
• 8. A Zayuni nĩmaaiguire, magĩkena, aa mwarĩ wa Juda nĩmaacanjamũkire, nĩ ũndũ wa matuĩro macio maku, Jehova.
• 9. Nĩ gũkorũo wee, Jehova, nowe wĩ igũrũ mũno igũrũ rĩa thĩ yothe; wee ũrĩ mũtũũgĩru mũno gũkĩra ngai ciothe.
• 10. Inyuĩ endi Jehova, thũũrai ũũru o gũthũũra: arĩa marĩ ũiguano nake, nĩagitagĩra mĩoyo yao; gũteithũra nĩamateithũraga moko-inĩ ma arĩa aaganu.
• 11. Mũndũ ũrĩa mũthingu nĩahurĩirũo ũtheri, arĩa a ngoro nũngĩrĩru-rĩ, nĩ ahurĩre gĩkeno.
• 12. No gĩkenerei Jehova, inyuĩ athingu, rĩĩtwa rĩake rĩamũre mũkĩrĩcokerie ngatho.

Home