Go Back

Thaburi Chapter 90

• 1. MWATHANI, wee nowe ũtũire wĩ gĩtũũro giitũ kuuma o agu na agu.
• 2. O mbere irĩma itaanaciarũo, o ũtaanomba thĩ na mabũrũri, kuuma o tene na nginya tene, wee ũrĩ o Mũrungu.
• 3. Ũhũndũraga andũ magacoka gũtuĩka mũthegethege; ũkoiga, Cokai, ciana ici cia kĩrĩndĩ.
• 4. Amu harĩ wee, mĩaka ngiri no ta mũthenya wa ira, o ũguo ũrathirire ũrehera, ningĩ no ta ituanĩra rĩmwe rĩa camu wa ũtukũ.
• 5. Ũmahaatũrũragia ta megũtwarũo nĩ mbura ya kĩboboto makahaana ta maakoma: rũcinĩ makoragwo matariĩ ta nyeki ĩrĩa ĩraringũra;
• 6. Rũcinĩ-rĩ, ĩkahamba ĩgĩkũrakũraga, hwaĩ-inĩ ĩgatemwo, ĩgakĩhoha.
• 7. Amu ithuĩ nĩ gũthira tũrathira nĩ marakara maku, na tondũ wa marũrũ maku tũgacanjama.
• 8. Mawaganu maitũ wee nĩũmaigĩte o mbere-inĩ yaku, mehia maitũ marĩa mahithe ũgakĩmoimĩria o ũtheri-inĩ wa gĩthiithi gĩaku.
• 9. Nĩ amu, tondũ wa matũkũya maku, matukũ maitũ mothe no gũthũa mathũaga; tũninũkagia mĩaka iitũ o ta riuma rĩmwe rĩa ngoro.
• 10. Matukũ maitũ ma mĩaka iitũ-rĩ, no mĩaka mĩrongo mũgwanja, kana mũndũ aakĩria kũgĩa na hinya, akinyie mĩrongo ĩnana; ĩndĩ nguthi iria cionekaga harĩ yo no mĩnoga na thĩna, nĩ gũkorũo ĩthiraga o narua, ithuĩ na ithuĩ tũkombũka tũkairĩria.
• 11. Nũ ũmenyete marakara maku ũrĩa maigana, akĩmenye matũkũya maku nĩguo agwĩtigĩre ta ũrĩa wagĩrĩirũo?
• 12. Gĩtũmenyithie gũtara matukũ maitũ nĩ getha tũgĩe na ngoro cia kũũhĩga.
• 13. Garũrũka, Jehova; nĩ nginya rĩ? gĩcoke kũiguĩra ndungata ciaku tha.
• 14. Rũcinĩ ũroke gũtũhũnia ũtugi waku; nĩguo tũtũũre tũkũngũyagia o tũgĩkenaga matukũ maitũ mothe.
• 15. Tũkenie matukũ maiganaine na marĩa ũtuonetie thĩna, ũmaringanie na mĩaka ĩo tuonete ũũru.
• 16. Wĩko waku ũroonwo kũrĩ ndungata ciaku, na ũkaru waku woneke kũrĩ ciana ciacio.
• 17. Wega wa Mwathani Ngai witũ ũrokĩgĩa igũrũ riitũ: wĩra wa moko maitũ naguo, wee tũrũmagĩrie; ĩĩ-ni, wĩra wa moko maitũ kũrũmia ũkĩũrũmagie.

Home