Go Back

Thaburi Chapter 83

• 1. Ĩ NGAI, ndũgatũũre ũkirĩte; Mũrungu, tiga gũikara o ũtumĩtie; gĩtige gũikara o wĩgwatanĩirie.
• 2. Tondũ atĩrĩ, thũ ciaku nĩ kũronja iraronja, acio magũthũũraga magakĩambararia ciongo.
• 3. Kĩrĩndĩ gĩaku nĩmakĩgĩĩrĩire ndundu ya wara, magagĩcirĩra andũ aku aya ũtũire ũhithĩte.
• 4. Moigĩte atĩrĩ, Ũkai, tũmang’ũrie matigacoke gũtuĩka rũrĩrĩ; nĩguo rĩĩtwa rĩu rĩa Isiraeli rĩtikanacoke kũririkanwo.
• 5. Amu nĩ gũciranĩra maciranĩire na ngoro o ĩmwe; wee nĩwe maragĩa na kĩrĩkanĩro nĩ ũndũ waku;
• 6. A hema cia Edomu na cia Aishumaeli, a Moabi o na Ahagari,
• 7. A Gebali, na Amoni, na Amaleki, ningĩ Afilisiti gwata andũ a Turo;
• 8. A Ashuri o nao nĩmegwatanĩtie nao, nĩo matuĩkĩte guoko gwa ciana cia Loti.
• 9. Meke o ta ũrĩa wekire a Midiani; ta ũrĩa ningĩ wekire Sisera, o na Jabini, karũũĩ-inĩ karĩa ga Kishoni;
• 10. O acio maaninĩirũo Eni-doru, magĩtuĩka o thumu wa kũnoria tĩri.
• 11. Makang’ũ mao-rĩ, mahaananie na Orebu na Zeebu; anene ao othe ũkĩmahaananie na Zeba na Zalimuna:
• 12. Nĩo moigire, Nĩtwĩgwatĩre itũũro cia Ngai, twĩrigĩrie nacio!
• 13. Ĩ Ngai wakwa, matue ta rũkũngũ rũrĩa rũgũrũkanagio, na ta maragara marĩa mombũre nĩ rũhuho.
• 14. Ta mwaki ũrahĩhia mũtitũ, ningĩ ta rũrĩrĩmbĩ rũracina irĩma-rĩ,
• 15. Titimũrana nao o ro ũguo na kĩhuhũkanio gĩaku, kĩmamakie na kĩrũhuho kĩu gĩaku kĩnene.
• 16. Tũma mothiũ mao maiyũrũo nĩ thoni, nĩ getha metĩkĩre kũrongoria rĩĩtwa rĩaku, wee Jehova.
• 17. Gũconoka nĩmaconoke, matũũre marĩ amaku nginya tene; ĩĩ-ni, marogegeario, na matome o gũtoma!
• 18. Nĩguo mamenye atĩ wee, o wee wĩtagwo JEHOVA, nowe wiki Ũrĩa-wĩ-Igũrũ-Mũno o igũrũ rĩa thĩ yothe.

Home