Go Back

Thaburi Chapter 80

• 1. WEE MŨRĨITHI wa Isiraeli-rĩ, ta tega gũtũ, o wee ũtongoragia Jusufu o ta arĩ rũũru rũa mbũri; wee ũikarĩire makerubi-rĩ, cangarũrũka!
• 2. Wĩ hau mbere ya Efiraimu na Benjamini na Manase-rĩ, hindũra ũhoti waku, ũũke ũtũhonokie.
• 3. Ngai, tũcokererie; tũma ũthiũ waku ware, na nĩtũkũhonoka.
• 4. Ĩ Jehova, Ngai mwene mbũtũ cia ita, nĩ nginya rĩ ũgũtũũra ũtogerekagĩra ihoya rĩa kĩrĩndĩ gĩaku?
• 5. Ũtũire ũkĩheaga irio o cia maithori, o na kũnyuithia ũgakĩnyuithagia maithori mageretwo na kĩgeri kĩrĩa kĩnene.
• 6. Ũtũtuĩte kĩndũ gĩa kũrũagĩrũo nĩ arĩa tũhakaine nao; thũ ciitũ igagĩtũthekaga o gũtũtheka.
• 7. Wee Ngai mwene mbũtũ cia ita, tũcokererie; tũma ũthiũ waku ware, na nĩtũkũhonoka.
• 8. Warehire mũthabibu ũrutĩte Misiri, ũkĩrutũrũra ndũrĩrĩ, ũkĩũhanda arĩ guo.
• 9. Nĩwaũthereirie handũ, naguo ũkĩgwata, ũkĩhamba ũkĩiyũra bũrũri wothe.
• 10. Irĩma nĩciahumbĩirũo nĩ kĩĩgunyĩ kĩaguo, gwata mĩtarakwa ya Mũrungu ĩgĩkĩhumbĩrũo nĩ honge ciaguo.
• 11. Ũgĩtambia honge ciaguo kinya o iria-inĩ, na thuna ciaguo ũgĩikinyia o Rũũĩ.
• 12. Nĩ ũndũ kĩ ũkiunangĩte njirigo ciaguo, ũgagĩĩtuagĩrũo nĩ arĩa othe ehĩtũkĩri na njĩra?
• 13. Ngũrũe ĩrĩa yumaga kĩrĩti nĩĩũgũmagia, na nĩũrĩĩkaga nĩ nyamũ cia werũ.
• 14. Tũcokerere, Ngai mwene mbũtũ cia ita, twagũthaitha: ikia maitho wĩ kũu igũrũ, wone, ũkĩroore mũthabibu ũyũ,
• 15. O guo mũtĩ ũrĩa guoko gwaku kwa ũrĩo kwahandire, ruo rũhonge rũrĩa werereire nĩ bata waku mwene.
• 16. Gũcinwo nĩ mũcine nĩ mwaki, gũtemwo nĩũtemetwo; andũ no gũtoma matomaga nĩ ũndũ wa irũithia rĩa gĩthiithi gĩaku.
• 17. Mũndũ ũcio wahandirũo nĩ guoko gwaku kwa ũrĩo-rĩ, guoko gwaku kũrogĩa igũrũ rĩake, o igũrũ rĩa ũcio mũrũ wa mũndũ, ũcio werereire nĩ bata waku mwene.
• 18. Na ithuĩ-rĩ, tũtikahũndũka tũtigane nawe: tũriũkie, na nĩtũgũtũũra tũthathayagia rĩĩtwa rĩaku.
• 19. Jehova Ngai mwene mbũtũ cia ita, tũcokererie; tũma ũthiũ waku ware, na nĩtũkũhonoka.

Home