Go Back

Thaburi Chapter 8

• 1. Ĩ JEHOVA, Mwathani witũ, rĩĩtwa rĩaku-rĩ, ĩ rĩtikĩrĩ bata gũkũ thĩ guothe! riri waku nĩũwarĩte o igũrũ matu-inĩ.
• 2. Tũnua-inĩ o twa twana na twa ngenge nĩũtũmĩte hoime hinya na ũkaũrũmia, nĩ ũndũ wa arĩa me muku nawe, nĩ getha ũkirie thũ, o nake mwĩrĩhĩria.
• 3. Rĩrĩa ngũrora igũrũ rĩu rĩaku, ngona wĩra wa ciara ciaku-rĩ, mweri na njata, icio wĩkĩrĩte kuo,
• 4. Ngoria atĩrĩ, Kaĩ mũndũ akĩrĩ kĩo kĩ, tondũ ũmũririkanaga? mwana wa mũndũ nĩ kĩ, tondũ ũũkaga kũmũrora?
• 5. Nĩ amu-rĩ, ũmũtigarĩtie hanini aringane na Ngai, ũgakĩmwĩkĩra riri o na ũkaru ta thũmbĩ ya ũnene.
• 6. Wamũtuire wa gwathaga mawĩra marĩa marute nĩ moko maku; indo ciothe ũgakĩiga thĩ ya makinya make:
• 7. Mbũri ciothe, gwata ng’ombe, o nacio ndaara-gĩthaka;
• 8. Nyoni cia rĩera-inĩ, na ciũngũyũ cia iria-inĩ, nginya kĩndũ o gĩothe kĩgendaga na mĩkirito ya kũu maria-inĩ thĩinĩ.
• 9. Ĩ Jehova, Mwathani witũ, rĩĩtwa rĩaku-rĩ, ĩ rĩtikĩrĩ bata gũkũ thĩ guothe!

Home