Go Back

Thaburi Chapter 76

• 1. THĨINĨ wa Juda, Ngai nĩ mũmenyeku; thĩinĩ wa Isiraeli-rĩ, rĩĩtwa rĩake no rĩnene.
• 2. Nakĩo gĩthũnũ gĩake kĩa mwĩgunyĩ kĩrĩ o Salemu, gĩtũũro gĩake no Zayuni kĩrĩ.
• 3. Kũu nĩkuo oinangĩire mĩguĩ ya ũta; ngo, o na rũhiũ, o gwata mathaita mothe.
• 4. Wee-rĩ, ũcangararĩte mũno, o na gũkara ũgakara, ũkiuma na irĩma-inĩ iria ciumaga mataha.
• 5. Arĩa omĩrĩru ngoro nĩ acume, gũkoma nĩ akomu; andũ acio ing’ara gũtirĩ ũronire moko ma kũrũa.
• 6. Tondũ wa kũrũithania gwaku, wee Ngai wa Jakubu, ngari ya ita na mbarathi nyene nĩ kũgonia igonetie toro.
• 7. Wee, o wee-rĩ, nowe wa gwĩtigĩrũo; nake nũ ũngĩgwĩtiirĩrĩria wagwata kũrakara?
• 8. Nĩũratũmire ituĩro rĩiguwo riumĩte igũrũ; thĩ ĩrakĩmaka, ĩrakira o ngiria,
• 9. Hĩndĩ ĩo Ngai ararũgamire ekĩre ituĩro, nĩguo ahonokie ahoreri othe arĩa me gũkũ thĩ.
• 10. Marũrũ ma andũ-rĩ, matirĩ hingo matagakũhe ngatho; matigari ma marũrũ mao nĩ kwĩoha ũkameoha ta ndoho.
• 11. Ĩhĩtei, na kũhingia mũhingĩrie Jehova Ngai wanyu; arĩa othe mamũthiũrũrũkĩirie nĩmamũtegere matega, o we ũcio wagĩrĩirũo nĩ kũguoyoherũo.
• 12. We maroho ma atongoria nĩamatinagia: athamaki a thĩ-rĩ, harĩ o nĩ wa gwĩtigĩrũo mũno.

Home