Go Back

Thaburi Chapter 64

• 1. NGAI, igua mũgambo wakwa, ũguo ndĩrang’ung’ua; rindĩrĩra muoyo wakwa, ndikaguoithio nĩ thũ.
• 2. Kĩ’hithe ndigakinyĩrĩrũo nĩ ndundu ya arĩa eki naĩ, ndigagĩkorũo nĩ ithogonja rĩa acio mekaga waganu;
• 3. O acio manorete nĩmĩ ciao ta rũhiũ rũa njora, na mĩguĩ yao magakĩmĩgereka, nayo nĩ ciugo irĩ ũrũrũ,
• 4. Nĩguo maikĩrie mũndũ ũrĩa mũkinyanĩru maikaire kũrĩa kwĩhithu; o rĩmwe magakĩmũikĩria, na matiĩtigĩre.
• 5. Nĩmeũmagĩrĩria nĩguo mageke ũũru ũrĩa me naguo; ũhoro ũrĩa materetaga nĩ wa wembanĩri wa mĩtego; makoragia atĩrĩ, Ũrĩa ũngĩkĩona nũ?
• 6. Nĩ gũthugunda mathugundaga maũndũ wa waganu: Ithugunda riitũ tũrĩthugundĩte o kũrĩthugunda, nĩguo macokaga kwĩĩra; namo meciria ma mũndũ o mũndũ, marĩa ma thĩinĩ, o ma ngoro, marikĩire o kũrikĩra.
• 7. No Ngai-rĩ, kũratha no amarathe arĩ o, o rĩmwe mathecwo nĩ mũguĩ;
• 8. Nĩ kũhĩngwo magakĩhĩngwo, nĩmĩ ciao ene imagarũkĩte: arĩa othe mekũmona magakĩmainĩria mĩtwe.
• 9. Nao andũ a guothe nĩ gwĩtigĩra magetigĩra, na mamemerekie wĩko ũcio wĩkĩtwo nĩ Ngai, na gwĩkũũranĩra mekũũranĩre gĩtũmi kĩa wĩra wake.
• 10. Mũndũ ũrĩa mũthingu-rĩ, nĩ gũkena arĩkenagĩra Jehova, na egiritagie harĩ we; arĩa othe arũngĩrĩru ngoro nĩ kwĩraha marĩĩrahaga.

Home