Go Back

Thaburi Chapter 63

• 1. Ĩ NGAI, wee nĩwe Mũrungu wakwa ngũroka gũkũrongoria na kĩyo; nĩ kũnyota ngoro yakwa ĩkũnyoteire, na nĩ ũndũ waku-rĩ, mwĩrĩ ũkaigua mĩĩto, ndĩ bũrũri ũyũ mũũmũ na wĩ mĩnoga, ũyũ ũtarĩ maĩ.
• 2. Nĩ ta ũguo ndanagũcũthĩrĩria ndĩ handũ harĩa haamũre, atĩ nyone hinya waku, o gwata riri waku.
• 3. Amu ũtugi waku nĩ mwega gũkĩra muoyo; mĩromo yakwa nĩ kũraha ĩrĩkũrahaga.
• 4. Hakĩrĩ ũguo-rĩ, ngũtũũra ngũgathaga hĩndĩ ĩrĩa yothe ngũikara na muoyo: ngũgĩtũũra ngwaragĩra hĩ o ndĩĩhokete rĩĩtwa rĩu rĩaku.
• 5. Ngoro yakwa ĩrĩhũnaga wega ta ĩrĩĩte maguta, ĩkarĩa ũnoru; nako kanua gakwa nĩkarĩkũgoocaga, mĩromo ĩgĩkũngũyagia.
• 6. Rĩrĩa ngũkũririkana ndĩ ũrĩrĩ, matuanĩra-inĩ ma camu wa ũtukũ nĩ ũhoro waku ndĩĩrurumagia.
• 7. Nĩ gũkorũo nĩwe ũtũire ũndeithagia, na njikaire kĩĩgunyĩ-inĩ kĩa mathagu maku no ngũngũyagie nĩ gũkena.
• 8. Ngoro yakwa ĩkũhikĩire o gũkũhikĩra, guoko gwaku kwa ũrĩo gũgakĩ’nyitĩrĩra.
• 9. Ĩndĩ-rĩ, arĩa macaragia muoyo wakwa nĩguo maũnine, nĩ gũtonyerera magatonyerera thĩ, nginya kũrĩa kũrikĩru mũno.
• 10. Makaneanwo hinya-inĩ wa njomo; magatuĩka o rũgai rũa mbwe.
• 11. Nake mũthamaki-rĩ, no akenage nĩ ũndũ wa Ngai; mũndũ o wothe wĩhĩtaga na kũmũgweta we, no erahage: tondũ arĩa maaragia mathara, tũnua twao nĩ gũtumio tũgatumio.

Home