Go Back

Thaburi Chapter 51

• 1. NGINYĨRIA wega waku, Ngai, kũringana na ũrĩa ũtugi waku ũigana; tondũ wa ũguo matha maku marĩ maingĩ-rĩ, tharia mehia makwa o gũtharia.
• 2. ’Thambia mũno, waganu wakwa ũ’thire, ’theria, mahĩtia makwa maninũke.
• 3. Amu nĩnjũĩ mehia makwa, o niĩ mwene, mahĩtia makwa ngakĩmonaga o ro hingo ciothe.
• 4. Wee nĩwe njĩhĩtie, wee wiki, ngeka ũrĩa wee wonaga arĩ ũũru: gũtuĩke atĩ wee wagwata kwaria, nĩ kĩhooto ũrĩ nakĩo, wee ũgĩtua cira-rĩ, ũgĩtuĩke ũrĩ o mũtheru.
• 5. Niĩ-rĩ, ndaciarĩirũo waganu-inĩ; maitũ aagĩire ihu rĩa kũnjiara arĩ o na mehia.
• 6. Wee wĩkenagĩra no mũndũ kũgĩa na ũhoro-wa-ma o ngoro thĩinĩ; hau thĩinĩ hahitharu nĩho ũrĩtũmaga ’menyagĩre ũũgĩ.
• 7. Njitũrũria na mũthobi, na nĩngũthera; ’thambia, na nĩngwerũha gũkĩra tharunji.
• 8. Njiguithia gĩkeno na mũcanjamũko wa ngoro, mahĩndĩ marĩa ũ’thetherete makenũke.
• 9. Wĩgitie ũthiũ, ũtige kũrora mahĩtia makwa; na gũtharia ũtharie mawaganu makwa mothe mathire.
• 10. Ngai, nyũmbĩra ngoro ĩtarĩ na gĩko; thĩinĩ wakwa cokia roho mwerũ, mwĩkindĩru.
• 11. Ndũkanyingate nyume harĩ wee, na ndũkana’thengerie roho waku mũtheru.
• 12. ’Hũndũrĩra gĩkeno kĩrĩa kĩa ũhonokio waku, na ũndiirĩrĩre na roho mwĩenderi.
• 13. Na niĩ nĩndĩĩkĩrutaga arĩa ehia magerage njĩra ciaku, acio mahĩtĩtie macoke kũrĩ wee.
• 14. Ĩ Ngai, wee Ngai mwene ũhonokio wakwa, kĩndeithũre ngero-inĩ ya ũũragani, naruo rũrĩmĩ rũakwa no rũkũngũiye rũgane ũthingu waku.
• 15. Mwathani, tumũra mĩromo yakwa, na kanua gakwa nĩgegũkĩonania kũgoocwo gwaku.
• 16. Amu wee ti igongona ũkenagĩra, nĩguo ngũrutĩre; ihaki rĩa njino-rĩ, tirĩo wee ũngĩkenio nĩrĩo.
• 17. Magongona ma Ngai nĩ roho ũrĩa mũthuthĩku; ngoro ĩrĩa ĩthuthĩkĩte na ĩkahera-rĩ, wee, Ngai, ndũngĩmĩira.
• 18. Gĩĩke Zayuni wega nĩ ũndũ wa wega ũrĩa waku; aka njirigo cia Jerusalemu.
• 19. Nĩrĩo ũgagĩkenagĩra magongona marĩa ma ũthingu, mahaki ma njino, o marĩa ma gũcinwo magathira o biũ! nĩrĩo ũkarutagĩrũo ndegwa kĩgongona-inĩ gĩaku.

Home