Go Back

Thaburi Chapter 47

• 1. INYUĨ iruka ciothe cia andũ, hũrai hĩ; ugĩrĩriai nĩ ũndũ wa Ngai gũgĩthĩrĩrĩkagio ngemi.
• 2. Nĩ amu Jehova Ũrĩa-Wĩ-Igũrũ-Mũno nĩ wa gĩĩtigĩrithanio kĩnene; nĩ Mũthamaki mũnene wĩ igũrũ rĩa thĩ yothe.
• 3. Irĩndĩ cia thĩ nĩwe mũtũhootithia, ikagĩa ruungu ruitũ, ndũrĩrĩ-rĩ, igakĩgĩa thĩ ya makinya maitũ.
• 4. Igai riitũ nĩwe mũtũthurĩri, o rĩo mwĩraho ũrĩa wa Jakubu, mwendwo wake.
• 5. Ngai-rĩ, nĩaambatĩte, o agĩkũngũagĩrũo; we Jehova nĩaambatĩte, o gũkĩgambagio macoro.
• 6. Inĩrai Ngai; mũgoocei na rũĩmbo: inĩrai Mũthamaki witũ, kĩinei mũmũkumie.
• 7. Nĩ amu Ngai nowe Mũthamaki wa thĩ yothe: kĩmũgoocei na rũĩmbo o rũrĩa rũgereke wega.
• 8. Ngai rĩu nĩagwete gũthamakĩra ndũrĩrĩ; we Ngai nĩaikarĩire gĩtĩ kĩrĩa gĩa ũtheru wake.
• 9. Anene a irĩndĩ nĩmeturanĩire matuĩke andũ a Ngai wa Iburahimu: amu ngo cia thĩ-rĩ, mwene cio no Ngai; atũũgĩrĩte o mũno mũno.

Home