Go Back

Thaburi Chapter 46

• 1. NGAI nĩwe mũrahĩro witũ, ningĩ hinya ũrĩa twangagĩra; akoragwo e na ũteithio mũno, wa hingo ya mĩnyamaro.
• 2. Tondũ ũcio tũtingĩĩtigĩra, o na thĩ ĩngĩgarũrũka, na ithuri ituĩke nĩiragũũka ikĩgũaga o thĩinĩ wa iria;
• 3. O na maĩ marĩo mangĩkorũo nĩmararuruma o makĩhũranaga, nacio irĩma ikainaina nĩ nditi yamo.
• 4. Kwĩ na rũũĩ-ĩ, mĩtaro yaruo ĩkenagia itũũra rĩa Ngai, o kũu kwamũre kwene gĩikaro kĩa Ũcio-wĩ-Igũrũ Mũno.
• 5. Ngai nĩaikaraga kuo gatagatĩ karĩo; kwenyenyeka rĩtikenyenyeka: Ngai nĩwe wa kũrĩteithia, kĩroko o gwatua gũkĩa.
• 6. Ndũrĩrĩ nĩiraronjete, mothamaki makenyenya: we aratumũra mũgambo, thĩ ĩratwekũka.
• 7. Jehova mwene mbũtũ cia ita nĩwe twĩ nake; Ngai wa Jakubu-rĩ, nĩwe rĩangĩro riitũ.
• 8. Ũkai, mwĩrorere mawĩko ma Jehova, muone ũrĩa areketie thĩ macanjama.
• 9. Nĩ mũnini mbaara nginya o gĩturi gĩa thĩ: ũta akauunanga, na itimũ agatinania, namo makari ma ita akamacina na mwaki.
• 10. Tigani, mũmenye nĩ niĩ Ngai: nĩndĩĩtũũgĩraga ndũrĩrĩ-inĩ, ndĩĩtũũgĩraga thĩ yothe.
• 11. Jehova mwene mbũtũ cia ita nĩwe twĩ nake; Ngai wa Jakubu-rĩ, nĩwe rĩangĩro riitũ.

Home