Go Back

Thaburi Chapter 45

• 1. NGORO yakwa nĩ gũtherũka ĩratherũka ũhoro mwega; ngwaria ndeto iria ngerekete nĩ ũndũ wa mũthamaki; rũrĩmĩ rũakwa no ta karamu ka mwandĩki ũrĩa mũũgĩ.
• 2. Wee-rĩ, ũrĩ nyoko mũno gũkĩra ciana cia kĩrĩndĩ; mĩromo yaku nĩ mĩitĩrĩrie uuma-andũ: tondũ ũcio Ngai nĩagĩkũrathimĩte tene na tene.
• 3. Wĩohe rũhiũ rũaku njohero, wee njamba ĩno, ĩkĩra riri waku, o na ũkaru.
• 4. Wĩ na ũkaru ũcio waku-rĩ, thiaga ũtwarĩtwo nĩ mbarathi o ũgĩtoragia, ũkĩrũagĩrĩra ũhoro ũrĩa wa ma, na wa ũhoreri na ũthingu: guoko gwaku kwa ũrĩo kũrokuonagĩrĩria maũndũ ma gwĩtigĩrithania.
• 5. Mĩgũĩ yaku nĩ mĩũgĩ, irĩndĩ igakĩng’aũka magũrũ-inĩ maku; ĩthecaga thũ cia mũthamaki o ngoro thĩinĩ.
• 6. Gĩtĩ gĩaku gĩa ũthamaki, wee Ngai, nĩ gĩa gũtũũra tene na tene; mũthĩgi ũrĩa ũthamakanagĩra naguo nĩ mũthĩgi ũrĩ ũgerereri.
• 7. Ũthingu nĩguo wendete, ũmaramari ũkaũthũũra: tondũ ũcio Ngai, o Ngai ũrĩa waku, nĩagũitĩrĩirie maguta, maguta ma gĩkeno, gũkĩra arĩa a riika rĩaku.
• 8. Nguo ciaku ciothe inungĩte o manemane na thubiri na mũndarathini; nĩũrakenio nĩ inanda cia nga ikĩinio nyũmba cia ũnene ng’emie na mĩguongo.
• 9. Thĩinĩ wa andũ-a-nja aku atĩĩku harĩ o aa mwarĩ wa mũnene; mwena waku wa ũrĩo hakarũgama mũtumia waku mũthamaki, agemete na thahabu ĩrĩa ya Ofiri.
• 10. Mwarĩ ũyũ, ta igua, na ũrũmbũiye; inamĩrĩria gũtũ gwaku: Atĩrĩ, riganĩrũo nĩ andũ a kwanyu, o na nyũmba ya thoguo;
• 11. Nĩrĩo mũthamaki angĩĩrirĩria ũthaka waku: amu nĩwe mwathani waku; nawe no ũmwĩkĩrĩre.
• 12. Mwarĩ wa kũrĩa Turo nake nĩagakĩrehe itega; gwata itonga iria nene cia bũrũri igatuĩka cia kwĩendereria harĩ wee.
• 13. Kũu thĩinĩ-rĩ, mwarĩ ũyũ wa mũnene no riri mũtheri e naguo; nguo ciake itumĩtwo igĩtonyanagio ndigi cia thahabu.
• 14. Ekũrehwo kwĩ mũthamaki e na nguo iria njarĩrĩre igema; airĩtu amuumi thutha, arĩa a thiritũ yake, o nao nĩ gwaku mekũrehwo.
• 15. Mekũrehwo na gĩkeno na ndũrũhĩ, matonye nyũmba ya mũthamaki.
• 16. Handũ ha mathoguo hagacoka ciana ciaku, iria ũgatũmaga ituĩke anene kũndũ na kũndũ thĩ yothe.
• 17. Nĩngũtũma rĩĩtwa rĩaku rĩtuĩke rĩa kũririkanagwo nĩ njiarũa na njiarũa, na tondũ ũcio irĩndĩ cia thĩ no itũũre igũcokagĩria ngatho nginya mĩndĩ na mĩndĩ.

Home