Go Back

Thaburi Chapter 44

• 1. TWANAIGUA na matũ maitũ, Ngai, tũkeragwo nĩ maithe maitũ, wĩra ũrĩa warutire matukũ macio mao, matukũ o marĩa ma tene.
• 2. Wee-rĩ, nĩwaingatire ndũrĩrĩ na guoko gwaku, ũgĩcoka kũmahanda o; irĩndĩ icio ũgĩcikoria ũũru, no-o ũgĩtũma mathegee.
• 3. Amu matiagwatire bũrũri na hinya wa rũhiũ rũao, o na ti icoka ciao ene ciamahonokirie: no nĩ guoko gwaku kwa ũrĩo, nĩ gĩcoka gĩaku, o na ũtheri wa gĩthiithi gĩaku; tondũ nĩwendire kũmeka wega.
• 4. Ĩ Ngai, wee nowe Mũthamaki wakwa: gĩathĩrĩrie Jakubu atĩ agĩage na ũhonokio.
• 5. Tondũ wa hinya waku, arĩa me muku na ithuĩ no tũmatindĩkage makagũa; tondũ o wa rĩĩtwa rĩaku, arĩa matũũkagĩrĩra, no tũmateremage.
• 6. Thima-rĩ, ũta wakwa tiguo ndĩrĩĩhokaga, rũhiũ rũakwa naruo, tiruo rũngĩkĩ’honokia.
• 7. Nĩ gũkorũo, arĩa me muku na ithuĩ, wee nowe ũtũire ũtũhonokagia kũrĩ o, acio matũthũũrĩte-rĩ, ũgakĩmaconorithia.
• 8. Ngai nowe tũtindaga tũkĩĩrahĩra mũthenya wothe, rĩĩtwa rĩu rĩaku nĩrĩo tũrĩcokagĩria ngatho nginya tene na tene.
• 9. Ĩndĩ rĩu nĩ gũte ũtũteete, ũgatũnyararithia; ndũũkanagĩria na ita ciitũ.
• 10. Ũtũmaga tuonie mũmaitha ciande; acio matũthũũrĩte magetahagĩra mataha.
• 11. Ũtũnenganĩrĩte ta igondu ituĩkĩte cia kũrĩo; ũgatũhurunjĩra ndũrĩrĩ-inĩ.
• 12. Kĩrĩndĩ gĩaku ũkĩendetie tũhũ; ndũrĩ uumithio wonete harĩ thogora ũcio ũkĩendetie:
• 13. Ũtũtuĩte kĩmene harĩ arĩa tũhakaine nao, tũgatuĩka a gũthekererũo na kũnyũrũrio nĩ acio matũthiũrũrũkĩirie.
• 14. Ũtũtuĩte kĩgano harĩ ndũrĩrĩ, tũgagĩtuĩka a kũinainagĩrio ciongo nĩ irĩndĩ.
• 15. Mũthenya wothe ũnyararĩku wakwa ũndindaga o maitho-inĩ, thoni cia ũthiũ wakwa nĩ kũ’huba i’hubĩte,
• 16. Nĩ ũndũ wa mũgambo wa ũrĩa ũmenanagia o akĩrumanaga; na tondũ wa gũkĩonaga mũndũ ũrĩa thũ, ũrĩa mwĩrĩhĩria.
• 17. Tũkoretwo nĩ maũndũ macio mothe, na tũtirĩ twariganĩrũo nĩwe, o na tũtirĩ twathahia kĩrĩkanĩro kĩrĩa gĩaku.
• 18. Ngoro ciitũ iticokete na thutha, namo makinya maitũ matiehũkĩte makoima njĩra yaku,
• 19. O na tondũ wee ũtũthuthurĩire imamo-inĩ cia mbwe, na ũgatũhumbĩra na nduma ta ya gĩkuũ.
• 20. Kũngĩkorũo twanariganĩrũo nĩ rĩĩtwa rĩa Ngai witũ, kana moko maitũ tũkamaarĩra ngai ng’eni-rĩ,
• 21. Githĩ Ngai ndangĩthuuthuuria ũhoro ũcio? nĩ gũtuĩka nĩwe ũũĩ hitho cia ngoro.
• 22. Ĩĩ-ni, o na tũtindaga tũkĩũragwo mũthenya wothe nĩ ũndũ waku; tũtuagwo ta igondu cia gũthĩnjwo.
• 23. Ramũka! ũgĩkomete nĩkĩ, Mwathani? hindũka! ndũgagĩtũte tene na tene.
• 24. Wĩhithĩte ũthiũ nĩ ũndũ kĩ, ũgakĩriganĩrũo nĩ ũthĩnĩki witũ na kũhinyĩrĩrio gũkũ tũhinyagirĩrio?
• 25. Thima-rĩ, mĩoyo iitũ ĩkunguĩrĩire o tĩri-inĩ, nda ciitũ igakĩgwatana o na thĩ.
• 26. Arahũka nĩ getha ũtũteithie, ũgĩtũkũũre nĩ ũndũ wa ũtugi ũrĩa waku.

Home