Go Back

Thaburi Chapter 40

• 1. GWETERERA ndetereire Jehova o ngirĩrĩirie, nake agĩkĩĩĩ’hũgũrĩra akĩnjerekera, agĩĩtĩkĩra kũigua kĩrĩro gĩakwa.
• 2. Akĩnduta thĩinĩ wa irima rĩũru rĩĩ mũũro, o thĩinĩ wa itomboya, kũu mũtoro-inĩ; agĩkinyithia magũrũ makwa ihiga igũrũ, mĩkinyĩre yakwa agĩkĩmĩrũmia.
• 3. Agĩgĩĩkĩra kanua gakwa rũĩmbo rũerũ, o rũa ũgooci, ngoocage Ngai witũ naruo: andũ aingĩ marĩonaga ũguo, na magetigĩra, magwate kwĩhoka Jehova.
• 4. Gũkena-rĩ, no mũndũ ũrĩa ũtuĩte atĩ arĩĩhokaga o Jehova, agakĩrega kwerekera arĩa eendi, o na kana mĩgarũka ĩrĩa mĩaria-ũrongo.
• 5. Wee Jehova Ngai wakwa-rĩ, maũndũ ma magegania nĩ maingĩ marĩa wee ũtwĩkĩire, o gwata meciria marĩa ũtwĩciragĩria ithuĩ: gũtirĩ mũndũ ũngĩhota kũmaarania mbere-inĩ yaku; ingĩtua kũmoimbũra, ’heane ũhoro wamo, maarema gũtarĩka nĩ ũrĩa marĩ maingĩ.
• 6. Wee-rĩ, ti magongona na mahaki ũkenagĩra; ũndũ wĩkĩte, nĩ kwega ũnjegete matũ: mahaki ma gũcinwo, na ma kũrutwo nĩ ũndũ wa mehia-rĩ, timo wĩtĩtie.
• 7. Hĩndĩ ĩo ngĩkiuga atĩrĩ, Niĩ ũyũ! ndĩ gũũka; thĩinĩ wa ibuku, o rĩo rĩa gĩkũnjo, ũhoro wakwa nĩho wandĩkĩtwo:
• 8. Niĩ ngenagio no gwĩka ũrĩa wendaga, wee Ngai wakwa; ĩĩ-ni, kĩrĩra gĩaku kĩrĩ o ngoro-inĩ yakwa.
• 9. Ũhoro mwega, ũrĩa wa ũthingu, nĩndĩwanĩrĩire ndĩ kĩũngano-inĩ kĩrĩa kĩnene; mĩromo yakwa ndirĩ ndamĩgirĩrĩria: wee, Jehova, nĩũũĩ ũguo.
• 10. Ũthingu waku ti kũhitha ndĩũhithĩte thĩinĩ wa ngoro yakwa; kwĩhokeka gwaku o na kũhonokania gwaku-rĩ, nĩnjarĩtie ũhoro wacio kiumbũro; ũtugi waku, na ũhoro waku wa ma, kĩũngano kĩrĩa kĩnene ndirĩ ndakiumbĩkĩra.
• 11. Nawe, Jehova, ndũgakĩrigĩrĩrie matha maku maage kũnginyagĩra; reke ũtugi waku o na ũhoro waku wa ma manindagĩrĩre hingo ciothe.
• 12. Tondũ nĩ’hĩtĩrĩirũo nĩ maũũru maingĩ matangĩtarĩka; mawaganu makwa nĩmanginyĩrĩire, ngakĩremwo nĩ kuona; nĩ maingĩ gũkĩra njuĩrĩ ciakwa cia mũtwe; no hingo ndakua ngoro.
• 13. Ĩ Jehova, ĩtĩkĩra kũndeithũra; Jehova, hiũha gũkĩndeithia!
• 14. Andũ arĩa macaragia muoyo wakwa atĩ maũnine-rĩ, nĩmaconoke, magegeare othe hamwe; nĩmacokio na thutha manyararĩke, acio mekenagĩra rĩrĩa nyonete ũũru.
• 15. Nĩmakire ihooru nĩ ũndũ wa njono, acio manjĩraga, Haiya! haiya!
• 16. Nao arĩa othe makũrongoragia wee, gũkenyũka nĩmakenyũke, magĩkene nĩ ũndũ waku; acio endi ũhonokania waku-rĩ, nĩmakiugage atĩrĩ, Jehova aroneneha!
• 17. Na niĩ ndĩ mũndũ mũthĩnĩki, mũndũ mwagi; no Mwathani nĩandirikanaga; wee nĩwe ũteithio wakwa o na nowe mũ’hatũri: wee Ngai wakwa-rĩ, ndũgakĩgonderere

Home