Go Back

Thaburi Chapter 4

• 1. NYAMŨKĨRIA ndakaya, wee Ngai wa ũthingu wakwa; nĩwe wana’he mĩaramano ndagĩa hatĩka-inĩ: nginyĩria wega waku, ihoya rĩakwa ũkĩrĩigue.
• 2. Inyuĩ ariũ a andũ-rĩ, nĩ hĩndĩ ĩigana atĩa riri wakwa ũgũtũũra ũnyararagwo, mũkendaga ũhoro wa tũhũ, na mũkarongoragia maheni?
• 3. No rĩ’, menyai atĩ ũrĩa mũigua-Ngai, we Jehova nĩamwĩamũrĩire: Jehova no arĩiguaga ndamũkaĩra.
• 4. Gĩani na guoya, mũtigage kwĩhia; teretagai o mũndũ na ngoro yake arĩ ũrĩrĩ, mũgĩĩkiragĩre.
• 5. Rutai magongona mũrutĩre o ũrĩa wa ũthingu, mũkĩĩhoke o Jehova arĩ we.
• 6. Nĩ aingĩ maroria atĩrĩ, Nũ ũngĩtuonania na maũndũ mega? Jehova, wee-rĩ, gĩtũtiirĩre ũtheri wa gĩthiithi gĩaku.
• 7. Wee nĩũnjĩkĩrĩte gĩkeno ngoro-inĩ yakwa gĩkĩrĩte kĩao rĩrĩa ngano yao na ndibei ciamaingĩhĩra.
• 8. Ngũgĩĩkomera ndĩ na thayũ, njũke o ngĩona toro, tondũ wee, Jehova, nĩwe ũndũũragia mwamũ, ngaikara o ndĩĩgangarĩte.

Home