Go Back

Thaburi Chapter 29

• 1. RAHAI Jehova, inyuĩ ariũ a Mũrungu, rahai Jehova atĩ nĩwe wĩ riri na e hinya;
• 2. Rahai Jehova mũkĩgane riri wa rĩĩtwa rĩake; thathaiyai Jehova mwĩgemetie na ũgemu ũrĩa wa ũtheru.
• 3. Mũgambo wa Jehova nĩ kũgamba ũragamba na kũu iria-inĩ; rungu, ũcio wĩ riri, nĩ hĩndĩ egũkĩruruma, o we Jehova akaruruma kũu igũrũ rĩa maĩ maingĩ.
• 4. Mũgambo wa Jehova wĩ na hinya; mũgambo wa Jehova nĩ mũkaru o gũkara.
• 5. Mũgambo wa Jehova-rĩ, uunaga mĩtarakwa; ĩĩ-ni, Jehova nĩoinangaga mĩtarakwa ĩrĩa ya Lebanoni.
• 6. O na gũtũhatũhia akamĩtũhatũhia ta gacaũ, irĩma icio cia Lebanoni na Sirioni igagĩtũhatũha o ta gĩcaũ kĩa mbogo.
• 7. Mũgambo wa Jehova ũthendũkithagia nĩnĩmbĩ cia mwaki.
• 8. Mũgambo wa Jehova nĩũthingithagia werũ; o nginya werũ wa Kadeshi, Jehova agakĩũthingithia.
• 9. Mũgambo wa Jehova ũtũmaga thwariga irike kũrũmwo igagĩciara, naguo ũgatũma mĩtitũ ĩhũrũrũke ĩgathera o gũthera: nakuo hekarũ-inĩ yake kĩrĩa gĩothe gĩĩ kuo gĩkoiga, Kaĩ e riri-ĩ!
• 10. Jehova-rĩ, o hingo ĩrĩa ya Mũiyũro wa Maĩ, no aaikarĩire gĩtĩ gĩa ũthamaki; ĩĩ-ni, Jehova aikaraga ho e mũthamaki wa mĩndĩ na mĩndĩ.
• 11. Jehova nĩarĩheaga kĩrĩndĩ gĩake hinya; Jehova arĩrathimaga kĩrĩndĩ gĩake agĩkĩheaga thayũ.

Home