Go Back

Thaburi Chapter 149

• 1. GOOCAI Jehova! Ĩ itĩkai kũinĩra Jehova rũĩmbo rũerũ, mũkĩmũkumĩrie kĩũngano-inĩ kĩa arĩa me ũiguano nake.
• 2. Isiraeli ta nĩakenere ũcio wamũũmbire, ciana cia Zayuni-rĩ, nĩicanjamũkĩre Mũthamaki wacio.
• 3. Nĩmakumie rĩĩtwa rĩake rũĩmbo-inĩ; nĩmaine mamũgooce makĩhũraga tũhembe, na inanda cia mũgeto.
• 4. Tondũ Jehova nĩaiguaga wega nĩ kĩrĩndĩ gĩake, andũ arĩa ahoreri-rĩ, nĩamagemagia na igema rĩa ũhonokio.
• 5. Acio maiguaine nake, ta nĩmakenage mũno nĩ ũndũ wa riri ũcio, nĩmakũngũyagie o na me morĩrĩ-inĩ mao.
• 6. Mĩmero yao nĩyumage ũgooci wa gũtũũgĩria Mũrungu, ningĩ moko mao, o mũndũ o mũndũ, makoragwo me na rũhiũ rũnore mbarĩ cierĩ,
• 7. Nĩ ũndũ wa gũkinyĩria ndũrĩrĩ mũrĩhanĩrio, irĩndĩ cia thĩ igĩkinyirio maherithia;
• 8. Mohe athamaki a cio na nyororo, na itonga ciacio maciohe na bĩngũ cia kĩgera;
• 9. Magĩcikinyĩrie ituĩro rĩrĩa rĩandĩkĩtwo: hau nĩ gĩtĩo kĩheetwo arĩa othe me ũiguano nake. Goocai Jehova!

Home