Go Back

Thaburi Chapter 143

• 1. NJIGUĨRA ihoya rĩakwa, Jehova; tega gũtũ ngĩgũthaitha; tondũ wa wĩhokeku waku, o na tondũ wa ũthingu waku-rĩ, ũnyamũkĩrie.
• 2. Ndungata ĩno yaku ndũgakĩgwate kũmĩtonyia cira-inĩ, nĩ gũkorũo maitho-inĩ maku gũtirĩ mũndũ wĩ muoyo ũngĩtuĩka mũthingu.
• 3. Nĩ amu-rĩ, thũ nĩ ngoro yakwa ĩthingatanĩte nayo, nĩĩkurumanĩtie muoyo wakwa o tĩri-inĩ; ĩndũũrĩtie kũndũ kũrĩa kwĩ nduma, ta arĩa maakuire o tene.
• 4. Na tondũ ũcio roho wakwa nĩ mũhooteku thĩinĩ wakwa, thĩinĩ wakwa ngoro ĩgagĩthethereka.
• 5. Njikaraga ngĩririkana matukũ marĩa ma tene, mawĩko maku mothe ngerurumia ũhoro wamo, ngagĩtarania maũndũ marĩa moko maku maaneka.
• 6. Nĩndakwarĩra hĩ; ngoro yakwa ĩkũnyoteire o ta bũrũri ũrĩa mũũmũ.
• 7. Jehova, hiũha kũnyamũkĩria! roho wakwa nĩũrahoerera: tiga kwĩĩ’hithĩra ũthiũ, ndikae kũhaana ta arĩa a gũtonya irima.
• 8. Rũcinĩ roka kũnjiguithia mũgambo waku wa kũnduga, amu nowe ndĩĩhokete; ’menyithia njĩra ĩrĩa njagĩrĩirũo nĩ kũgera, nĩ amu ngoro yakwa ndĩmĩroretie na kũu igũrũ kũrĩ we.
• 9. Ndeithũra harĩ thũ ciakwa, Jehova: nĩ kũũra njũrĩire harĩ we ũ’hithe.
• 10. Ndutaga gwĩka o ta ũrĩa ũkwenda, amu wee nowe Ngai wakwa; reke roho waku mwega ũndongoragie, ngagera bũrũri mwaraganu.
• 11. Jehova, tondũ wa rĩĩtwa rĩaku, kĩrurumũkie muoyo wakwa; tondũ wa ũthingu waku-rĩ, umia ngoro yakwa mĩnyamaro-inĩ.
• 12. Ningĩ tondũ wa ũtugi waku ũng’ũrie thũ ciakwa, acio othe manyamaragia ngoro yakwa ũmanine o kũmanina, amu niĩ ndĩ ndungata yaku.

Home