Go Back

Thaburi Chapter 128

• 1. GŨKENA-RĨ, nĩ mũndũ o wothe mwĩtigĩri Jehova, o ũrĩa ũgeraga njĩra ciake.
• 2. Kĩrĩa ũnogeire na moko maku-rĩ, wee nĩũrĩkĩrĩaga; gũkena nĩwe ũrĩkenaga, na gũtũũra ũtũũre o na wega.
• 3. Mũtumia waku egũikara ta mũthabibu ũrĩa mũciari mũno e kũu nyũmba yaku thĩinĩ; ciana ciaku nacio ituĩke ta mĩtamaiyũ ya mũmerano ĩthiũrũrũkĩirie metha yaku.
• 4. Onei, nĩ ta ũguo mũndũ arĩrathimagwo, ũrĩa mwĩtigĩri Jehova.
• 5. Jehova arokũrathima arĩ Zayuni, wonage wega wa Jerusalemu matukũ maku mothe ma gũtũũra muoyo.
• 6. Ĩĩ, o na nĩũkona ciana cia ciana ciaku. Gwa Isiraeli kũrotũũra o thayũ!

Home