Go Back

Thaburi Chapter 110

• 1. JEHOVA nĩerire mwathani wakwa atĩrĩ, Ikara thĩ guoko-inĩ gwakwa kwa ũrĩo, kinya ngatũma thũ ciaku ituĩke gaturũa ka makinya maku.
• 2. Mũthĩgi wa hinya waku, Jehova nĩakaũtambũrũkia wĩ Zayuni: wee-rĩ, athanaga ũrĩ o gatagatĩ ga thũ ciaku.
• 3. Mũthenya wa ita ciaku kĩrĩndĩ gĩaku gĩkerehage o na mwĩendero, kĩĩ na ũgemu ũrĩa wa ũtheru; aanake aku wĩ nao mahaana ta ireera, o ũrĩa rĩoima nda ya rũcinĩ ruoro rũatema.
• 4. Jehova nĩehĩtĩte, na ndangĩĩricũkwo, akoiga, Wee wĩ mũthĩnjĩri-Ngai o nginya tene, o ta ũrĩa Melikisedeki aatariĩ.
• 5. E guoko-inĩ gwaku kwa ũrĩo-rĩ, Mwathani nĩakamemenda athamaki mũthĩ ũrĩa wa marakara make.
• 6. Nĩ gũcirithia agacirithia ndũrĩrĩ o agĩcituagĩra, nĩ gũtũma agagĩtũma kũiyũre o ciimba; akamemenda mĩtwe ya kũndũ kũingĩ.
• 7. Akanyua maĩ ma gĩthima e njĩra, agĩcoke etiire kĩongo.

Home