Go Back

Thaburi Chapter 101

• 1. NĨNGŨINA ũhoro wa ũtugi, na wa ũciranĩri ũrĩa wa kĩhooto; wee, Jehova, nĩwe ngũgĩkumia na rũĩmbo.
• 2. Niĩ ngũtũũra na mĩthiĩre ya ũũgĩ ũrĩa wa ma, ngerage njĩra o ĩrĩa nginyanĩru. Ĩ nĩ rĩ ũgagĩũka kũrĩ niĩ? Gwakwa mũciĩ ndĩrĩikaraga na mĩthiĩre o ĩrĩa ya ngoro nginyanĩru.
• 3. Ũndũ wa ũgenyũ gũtirĩ ngaiga maitho-inĩ makwa o na ũrĩkũ; ciĩko cia arĩa mehũkaga nĩ gũthũũra ndĩcithũire; ndingĩĩtĩkĩra ikeĩngwatĩrĩra.
• 4. Ngoro hotomu no mũhaka ĩnjeherere; ũũru-rĩ, ndirĩ hĩndĩ ingĩkorũo njũyaine naguo.
• 5. Ũrĩa ũcambagia mũthiritũwe na hitho, ũcio no kũnina ndĩmũnine; mũndũ wa rũng’athio na e na ngoro ya ngũrũ, niĩ ndingĩmũkirĩra.
• 6. Maitho makwa-rĩ, marĩroraga o andũ a bũrũri arĩa ehokeku, tũikaranagie nao; ũrĩa ũgeraga o njĩra ĩrĩa nginyanĩru-rĩ, nowe ũngĩndungatagĩra.
• 7. Mũndũ ndĩĩra-thĩ, gũtirĩ ũngĩikara gwakwa; mũndũ waragia ũrongo-rĩ, ndangĩĩhanda harĩa ingĩmuona.
• 8. Rũcinĩ o rũcinĩ arĩa imaramari othe me bũrũri ndĩrĩmarokagĩra o kũmanina, nĩ getha arĩa othe eki maũndũ ma waganu ndĩmang’ũrie mathire itũũra-inĩ rĩa Jehova.

Home