Go Back

Ayubu Chapter 8

• 1. HĨNDĨ ĩo Bilidadi, ũrĩa Mũshuhi, agĩcokia, akĩũria atĩrĩ,
• 2. Nĩ hingo ĩigana atĩa ũgũikara ũkiugaga maũndũ ta macio, nacio ciugo ciaku igatuĩka ta kĩhuhũkanio?
• 3. Kaĩ Mũrungu ahong’oraga cira? kana we Mwene-Hinya nĩangĩkĩogomia kĩhooto?
• 4. O na gwatuĩka atĩ ciana ciaku nĩciamwĩhirie, nake agĩcirekereria igwatwo nĩ haaro ya ũremi wacio-rĩ,
• 5. Ũngĩĩtĩkĩra kũrongoria Mũrungu na kĩyo, na wĩthaithanĩre harĩ Mwene-Hinya-rĩ;
• 6. Ũngĩkorũo wee wĩ mũtheru na wĩ mũrũngĩrĩru, ndarĩ hĩndĩ atangĩhindũka nĩ ũndũ waku, agĩtũme ũtũũro waku wa ũthingu ũikare wĩ mũhorohu.
• 7. O na gwatuĩka kĩambĩrĩria gĩaku no kĩnyinyi, thutha waku nĩ gũthegea ũgathegea mũno.
• 8. Ta no gĩĩke atĩrĩ, ũũrĩrĩrie ũhoro harĩ mariika marĩa ma tene, ũkĩrũmbũiye maũndũ marĩa maatuĩrĩtĩo nĩ maithe mamo.
• 9. (Amu ithuĩ tũrĩ o ro andũ a ira, tũtirĩ ũndũ tũũĩ, nĩ gũkorũo matukũ marĩa tũikaraga gũkũ thĩ mathiraga ta kĩĩruru.)
• 10. Acio githĩ matingĩkũruta, makũhe ũhoro, matumũke na ndeto iria ii ngoro ciao?
• 11. Atĩrĩrĩ, irura-rĩ, rĩahota gũkũra hatarĩ ndaka? ithanjĩ nĩrĩngĩgĩkũra hatarĩ maĩ?
• 12. Hĩndĩ o ĩo rĩrĩ o iruru, o rĩtanakinya rĩa gũtuwo, no kũũma rĩngĩũma mbere ya mahuti marĩa mangĩ mothe.
• 13. Noguo njĩra ihaana cia arĩa othe mariganagĩrũo nĩ Mũrungu, nakĩo kĩĩrĩgĩrĩro kĩa mũndũ ũtatĩĩte Ngai noguo gĩgatoma;
• 14. Wĩrĩgĩrĩro wake nĩ gũtuĩka ũgatuĩkĩra o gatagatĩ, mwĩhoko wake-rĩ, no ta rũrenda rũa mbũmbũĩ.
• 15. Agetiirania na nyũmba yake, noyo ndĩrũgame; akamĩĩgwatĩrĩra, na ndĩngĩrũmĩrĩra.
• 16. We ahaana ta mũtĩ mũruru ũkũrĩire handũ he riũa, na thuna ciaguo igathunĩrĩra mũgũnda;
• 17. Mĩri yaguo nĩĩĩthiorereire kĩhumbu, na ĩkegwatĩrĩra harĩa he na mahiga:
• 18. Na womborũo, wathengio harĩa ũrĩ, hĩndĩ ĩo handũ hau no haũkaane, hoige, Wee-rĩ, ndirĩ ndakuona.
• 19. One, ũguo noguo gĩkeno kĩa njĩra yake kĩhaana, na hau tĩri-inĩ ũcio hakamera mĩtĩ ĩngĩ.
• 20. Atĩrĩ, Mũrungu ndangĩte mũndũ ũtarĩ ũcuke, ningĩ ndangĩtiirĩrĩra arĩa mekaga ũũru.
• 21. O na rĩu nĩarĩiyũria kanua gaku mĩtheko, na atũme mĩromo yaku yanĩrĩre nĩ gũkena.
• 22. Andũ arĩa magũthũire makahumbwo nĩ thoni; ũrĩa mwaganu-rĩ, hema yake ndĩgacoka gũkorũo ho rĩngĩ.

Home